शिरपूर (धुळे) : पतीपत्नीचे भांडण सोडवण्याचा प्रयत्न ज्येष्ठ नागरिकाला चांगलाच महागात पडला. दोन महिलांनी त्याला बेदम मारहाण केली. संशयित महिलांविरोधात थाळनेर पोलिस ठाण्यात गुन्हा दाखल करण्यात आला.

ही घटना दुपारी चारला भाटपुरा (ता.शिरपूर) येथे घडली. गणेश गोविंदा जाधव (वय ६२) असे जखमी पुरुषाचे नाव आहे. त्याच्या घरासमोर रेखाबाई रमेश जाधव हिचे तिच्या पतीसोबत भांडण सुरु होते. तेथे मध्यस्थी करण्यासाठी गणेश जाधव गेले. त्याचा राग आल्याने रेखाबाई जाधव व सतीबाई जाधव यांनी त्यांना मारहाण केली. रेखाबाईने त्यांच्या डोक्यात काठी टाकली व डाव्या हाताचा चावा घेतला. त्यांच्या गुडघ्यावरही मारहाण केली. सतीबाईने हाताबुक्क्यांनी मारहाण केल्याचे त्यांनी फिर्यादीत म्हटले आहे. संशयित महिलांविरोधात थाळनेर पोलिस ठाण्यात गुन्हा दाखल करण्यात आला.