देवळा - लोहोणेर (ता. देवळा) येथील तलाठी मारहाणप्रकरणी येथील पोलिसांनी चार संशयितांना ताब्यात घेतले असून, उर्वरित संशयितांना ताब्यात घेण्यासाठी पथक रवाना झाले आहे, अशी माहिती पोलिस निरीक्षक एस. एस. सपकाळे यांनी दिली.

लोहोणेर येथील तलाठी अंबादास पुरकर यांना वाळूमाफियांनी बेदम मारहाण केल्याने त्यांना जिल्हा रुग्णालयात दाखल केले आहे. गुरुवारी (ता. 11) रात्री साडेअकराला तलाठी अंबादास पूरकर यांनी पोलिसांत तक्रार दिली होती. पोलिस निरीक्षक सपकाळे यांच्या मार्गदर्शनाखाली चार संशयितांना सोयगाव (ता. मालेगाव) येथे सापळा रचून आज पहाटे अटक केली. उर्वरित संशयितांना ताब्यात घेण्यासाठी पोलिसांचे पथक रवाना झाले आहे.