Dhule Crime News : मुंबई-आग्रा महामार्गावर राज्यात प्रतिबंधित सुगंधित सुपारी वाहतूक करणाऱ्या कंटेनरला गुरुवारी (ता. ६) रात्री अडीचला पकडून साडेसहा लाखांचा गुटखा व दहा लाखांचे वाहन येथील पोलिसांनी जप्त केले. या प्रकरणी चालकावर गुन्हा दाखल झाला आहे. (6 lakh of prohibited scented betel nut seized dhule crime news)

पोलिसांना मिळालेल्या माहितीवरून पोलिसांनी टोलप्लाझावर सापळा रचला असता संशयित कंटेनर (एमएच १३, डीक्यू ३२४०)ला थांबविले. तपासणी केली असता इतर मालाच्या मागे सहा लाख ४० हजार ८०० रुपये किमतीचे व राज्यात खरेदी-विक्री व साठा करण्यास प्रतिबंधित असलेल्या सुगंधित सुपारीच्या ४० गोण्या आढळून आल्या.

मध्य प्रदेशातून हा माल आणला जात होता. चालक शिवाजी गोविंद गवळी (वय ४३, रा. कोलेगाव, पलवा सीटी, डोबवली ता. कल्याण जि.ठाणे) यास ताब्यात घेण्यात आले आहे.

हेही वाचा : Credit Card फसवणूक....काय घ्याल काळजी?

दहा लाखाचा कंटेनरसह १६ लाख ४० हजार ८०० रुपयाचा मुद्देमाल जप्त करण्यात आला असून गुन्हा दाखल झाला आहे. अन्न व औषध प्रशासन अधिकारी किशोर बाविस्कर यांनी फिर्याद दिली. सहाय्यक पोलीस निरीक्षक गणेश फड पुढील करीत आहे.

पोलिस अधीक्षक संजय बारकुंड, अपर पोलीस अधीक्षक किशोर काळे, उपविभागीय पोलीस अधिकारी साजन सोनवणे यांचे मार्गदर्शनाखाली सहाय्यक पोलीस निरीक्षक गणेश फड, हवालदार संजय देवरे, पोलिस नाईक अमरीश सानप, पोलिस प्रवीण सोनवणे, विजयसिंग पाटील, सुरज सावळे, प्रदिप धिवरे यांनी कारवाई केली.