जळगावः दोन दिवसापूर्वीच वादावरून भुसावळ येथील महामार्गावरील सुहास हॉटेल समोरतलवार तरुणावर तलवार हल्ला झाल्याची घटना आज (ता.24) दुपारी अडीच वाजाच्या सुमारास घडली. तरुणाच्या अंगावर आधी मिरचीपुड, पेट्रोल टाकून तलवारचा वार करण्यात आला. या घटनेत तरुणाचा डाव्या हातावर गंभीर दुखापत झाल्यामुळे त्याच्यावर जळगाव जिल्हा रूग्णालयातील अतिदक्षता विभागात उपचार सुरू आहे. 

दुकान गाळ्याच्या कारणावरून प्रशांत चौधरी (वय 30) याच्या वडीलांचे काही तरूणांशी दोन दिवसांपूर्वी वाद झाला होता. नंतर वादाचे रूपांतर हाणामारीत झाले मात्र, या प्रकरणात प्रशांत याच्याविरूध्दही बाजारपेठ पोलीस ठाण्यात गुन्हा दाखल झाला होता. लहान भाऊ डिगंबर याने पोलीस ठाण्यात जमा होण्याचा सल्ला दिला. म्हणून तो लहान भावाची दुपारी अडीच वाजेच्या सुमारास भुसावळ महामार्गावरील सुहास हॉटेलसमोर वाट बघत होता. त्याचवेळी अचानक आठ ते दहा तरूणांनी प्रशांतला घेरून लाकडी दांड्याने मारहाण केली तर मिरची पूड व पेट्रोल अंगावर टाकले. 

तलवारने हातावर केला वार 
लाकडी दांड्यांनी मारहाण करत असतांना एकाने प्रशांतच्या डाव्या हातावर तलवारने वार केला. त्यात प्रशांतच्या बोटाला गंभीर दुखापत झाली काही वेळानंतर मोठ्या भावाला मारहाण झाल्याचे कळताच लहान भाऊ डिगंबर याने घटनास्थळी धाव घेवून भावाला रूग्णालयात नेले. त्यानंतर जिल्हा रूग्णालयात उपचारार्थ जळगावला आणले.