सारंगखेडा ः २५ दिवसांपूर्वी दुचाकी अपघातात पत्नीच्या निधनामुळे दुःखात असलेल्या पतीला कोरोनाने घेरले आणि सोमवारी (ता.२९) सकाळी सुरत येथे उपचार सुरू असताना त्यांचे निधन झाले. तीन आठवड्यांच्या कालावधीत पती - पत्नीचे निधन झाल्याने त्यांची दोन्ही चिमुरडे मुले पोरके झाले.

आवश्य वाचा- जळगाव - उधना रेल्वे मार्ग उठला रेल्वे कर्मचाऱ्यांच्या जीवावर ;होळीच्या दिवशीच कोकणी कुटुंबावर काळाचा घाला
 

जयेश (वय ११), हर्षवर्धन (वय ८) अशा दोन चिमूकल्यांच्या माता, पित्याचे छत्र तीन आठवड्यांचा कालावधीत हरपल्याचे बघून सर्वांच्या भावना अनावर झाल्या. आई रिंकू जमादार (वय ३२) यांचा ४ मार्च रोजी आकुलखेडा (ता. चोपडा) येथे दुचाकीवरुन पडल्याने जागीच मृत्यू झाला होता. घटनेवेळी पती अविनाश व दोन्ही मूलं सोबत होते. या दुःखातुन कुटुंब सावरत नाही तोच अविनाशला गेल्या आठवड्यात कोरोनाने ग्रासले. त्यात त्यांना सुरत येथे उपचार्थ दाखल केले. मात्र सोमवारी सकाळी उपचारांदरम्यान त्यांचे निधन झाले. तीन आठवड्याच्या कालावधीत पती, पत्नी इहलोक यात्रेला गेले व संपूर्ण कुटुंब पोरके झाले. दोन्ही मुलांचे छत्र हरपले, तर आई, वडील व भावावर दुःखाचा डोंगर कोसळला. 
 

ग्रामस्थ देखील झाले स्तब्ध..
आई, वडिलांवर दुःखाचा डोंगर कोसळला. भोरखेडा (ता. शिरपुर) येथील राजपूत कुटुंबावर काळाने झडप टाकत पती पत्नीच्या दुःखाच्या खाईत लोटल्याचा प्रसंग बघून ग्रामस्थांच्या भावनाच बधीर करून गेला. 

संपादन- भूषण श्रीखंडे