Dhule Crime News : घरफोडी व सोन्याच्या दागिन्यांची चोरीप्रकरणी चिकसे (ता. साक्री) येथील दोन संशयित तरुणांना पिेपळनेर पोलिसांनी अटक केली. त्यांच्याकडून ४९ हजार ९५० रुपयांचा मुद्देमाल हस्तगत केला. संशयित अनिल काशीनाथ अहिरे (वय ३०) व शरद साहेबराव बर्डे (वय ३१) यांनी तीन एप्रिलला सकाळी नऊ ते सायंकाळी पाचदरम्यान सावरीमाळ. (Dhule Crime 2 arrested in house burglary case Seized goods from suspects)

(ता. साक्री) येथील रमेश उखड्या भवरे व भाऊ झोपा भवरे यांच्या घराच्या दरवाजाचे कुलूप तोडून सोन्या-चांदीचे दागिने, रोकडसह ४९ हजार ९५० रुपयांचा ऐवज लंपास केला. याप्रकरणी पिंपळनेर पोलिस ठाण्यात गुन्हा दाखल झाला होता.

सहायक पोलिस निरीक्षक सचिन कापडणीस यांनी विजय चौरे, वामन चौधरी, आकाश माळी, विश्वेश्वर हजारे, श्री. सैंदाणे यांच्या पथकाने चोरीचा छडा लावत संशयितांना अटक केली. त्यांच्याकडून सोन्या-चांदीचे दागिने, रोकडसह चोरीसाठी वापरलेले वाहन असा ४९ हजार ९५० रुपयांचा ऐवज हस्तगत केला.