Dhule News : शहरात लाखो रुपये खर्चून उभारलेल्या पाणपोयांची दुरवस्था झाली आहे. महापालिका आणि सामाजिक संस्थांनी लक्ष देऊन पाणपोयांची दुरुस्ती करावी, अशी नागरिकांची मागणी आहे. धुळे शहरासह जिल्ह्याच्या तापमानाचा पारा सरासरी ४२ ते ४३ अंशांवर गेला आहे. वाढते तापमान लक्षात घेता कामानिमित्त बाहेर पडलेल्या नागरिकांना पाण्यासाठी भटकंती करावी लागते. (Dhule water tank built at cost of lakhs of rupees in city are in bad condition)

साहजिकच नागरिकांनी ठिकठिकाणच्या चौकात असलेल्या पाणपोया सुरू करण्याची मागणी केली. वाढते तापमान लक्षात घेता नागरिक घराबाहेर पडणे टाळत आहेत; परंतु कामानिमित्त बाहेर पडलेल्या नागरिकांना घशाला कोरड पडते.

तहान भागविण्यासाठी नागरिकांना भटकंती करावी लागत आहे. यात शहरातील सर्वच पाणपोयांची दुरवस्था झाली आहे. लाखो रुपये खर्च करून बांधण्यात आलेल्या पाणपोया कोरड्या पडून असल्याने नागरिकांनी नाराजी व्यक्त केली. (latest marathi news)

पाणपोईभोवती सर्वत्र अतिक्रमण झाले आहे. सर्व नळ चोरीस गेले आहेत. शहरातील गिंदोडिया चौक, महापालिकेची जुनी इमारत परिसर तसेच मालेगाव रोड, चाळीसगाव रोड क्रॉसिंग परिसरातील पाणपोयी धूळखात पडल्या आहेत.

महापालिकेसह सामाजिक संस्थांनी पुढाकार घेत पाणपोयांची दुरुस्ती करून नागरिकांची तहान कशी भागेल यासाठी प्रयत्न करणे गरजेचे आहे.