धुळे : जिल्ह्यात प्रचाराचे रणशिंग आता शिगेला पोहचत चालले आहे. प्रचार प्रभावी व्हावा. उमेदवार, त्यांचे चिन्हे, त्यांचे काम आणि योजना लोकांपर्यंत पोहचविण्यासाठी आता भारूड, टिंगरीवाले, कव्वालीवाले, वासुदेव आदीं कलाकारांचा खुबीने वापर होत आहे. यांच्या प्रचारातून खेडोपाडी रंगत वाढली आहे. मनोरंजनासह प्रचाराचा हा फंडा सगळ्यांच्या पसंतीस उतरत आहे. भारुड, टिंगरीवाले आणि अहिराणी पारंपारीक गीतांमधून प्रचार करणारे हिंदी, मराठी आणि अहिराणी गीतांचा वापर करीत आहेत. त्यांनी या गीतांचे बोल आणि चाल प्रचाराच्या गाण्यांमध्ये परावर्तित केली आहे.
कला सादर करण्याची संधी - कलाकार
सध्या वाक्काड बबल्या, बबल्या इकस केसावर फुगे आदी गाण्यांचे प्रचार गाण्यांमध्ये रुपांतर केले आहे. ही प्रचारगीते सर्वच पक्षांनी वापरली आहेत.
गावगाड्यातील अहिराणी कलावंतांना सध्या सुगीचे दिवस आले आहेत. त्यांना किती मानधन मिळते. यापेक्षा कला सादर करण्याची संधी मिळत असल्याचे समाधान आहे, असे टिंगरीवाले कलाकार संजय सावंत यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.