नंदुरबार : शहादा येथील वीज वितरण कंपनीच्या (power distribution company) कार्यालयातील सहाय्यक लेखापाल (Assistant Accountant) याने ६२ लाख ३७ हजार ६७१ रुपयाचा भरणा बॅकेंत न करता अपहार केल्याचे उघडकीस आले आहे. याबाबत शहादा पोलिस ठाण्यात अपहाराचा गुन्हा दाखल करण्यात आला आहे.

शहादा (Shahada) येथील वीज वितरण कंपनीच्या उपविभागीय कार्यालयातील सहाय्यक लेखापाल विजय तुळशीराम लांडगे याने २१ सप्टेंबर २०२० ते ३१ जानेवारी २०२२ या काळात अतिरिक्त भार देऊन लेखापालची जबाबदारी सोपविण्यात आली होती. त्या कालावधीत त्यांचेकडे विज वितरण कंपनीचे नऊ कोटी ५७ लाख ७७ हजार ३२० रूपयाची रक्कम जमा झाली होती. त्यापैकी त्याने आठ कोटी ९५ लाख ३९ हजार ६४९ रुपये कंपनीच्या खात्यात जमा केले.मात्र ६७ लाख ६७१ रुपये कमी भरून त्या रक्कमेची अफरातफर करून अपहार केला. या बाबत भूषण विठोबा जगताप यांनी शहादा पोलिस ठाण्यात फिर्याद दिली. त्यानुसार विजय लांडगे याच्याविरूद्ध अपहाराचा गुन्हा दाखल करण्यात आला आहे.