शिरपूर (जि. धुळे) : तालुक्यातील २० तलाठी कार्यालये, निवासी इमारत आणि पाच मंडळ अधिकारी व तलाठी कार्यालयांच्या संलग्न इमारतीच्या बांधकामासाठी एकूण नऊ कोटी १६ लाख रुपयांचा निधी राज्य शासनाने मंजूर केला आहे. या कामांसाठी माजी मंत्री आमदार अमरिशभाई पटेल व आमदार काशीराम पावरा यांनी पाठपुरावा केला होता. (Fund of 9 crores 16 lakhs approved for revenue buildings for Shirpur Latest Dhule News)
तालुक्यातील २० तलाठी कार्यालयांच्या निवासी इमारतीचे बांधकाम करण्यासाठी सहा कोटी ४४ लाख ९० हजार रुपये, तर पाच मंडळ अधिकारी व तलाठी कार्यालयांच्या संलग्न इमारतीच्या बांधकामासाठी दोन कोटी ७१ लाख ३० हजार रुपये असा एकूण नऊ कोटी १६ लाख रुपयांचा निधी शासनाकडून मंजूर झाला.
शिरपूर आदिवासीबहुल तालुका असून, तलाठी व मंडळ कार्यालयाची इमारत नसल्याने ग्रामस्थांना महसूल विभागाशी संबंधित कामाबाबत अडचणी येत होत्या. त्यामुळे तलाठी कार्यालय व मंडळ अधिकारी कार्यालय इमारतीच्या बांधकामाला मंजुरी प्रदान करून निधी उपलब्ध करून द्यावा, असे पत्र आमदार अमरिशभाई पटेल व आमदार काशीराम पावरा यांनी महसूलमंत्री राधाकृष्ण विखे पाटील यांना देऊन पाठपुरावा केला होता.
मंजूर निधीतून मांडळ, उंटावद, हिंगोणी बुद्रुक, आमोदे, मांजरोद, होळनांथे, भाटपुरा, पिळोदा, वाठोडा, सावळदे, गिधाडे, जातोडे, आढे (पिंप्री), भरवाडे, वनावल, खामखेडा प्र.आ., भटाणे, नवे भामपूर, करवंद, खंबाळे येथे तलाठी कार्यालयासह निवासी इमारती, तर थाळनेर, अर्थे, जवखेडा, बोराडी, सांगवी येथे मंडळ अधिकारी संलग्नित तलाठी कार्यालयाच्या इमारती बांधण्यात येणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.