Dhule News : येथील चाळीसगाव रोड पोलिस ठाण्याच्या हद्दीतील रुग्णालयातून निघाल्यावर मुलगी बेपत्ता झाल्याची तक्रार दाखल झाली आहे. पोलिस ठाण्याने जिल्हा माहिती कार्यालयामार्फत ही माहिती दिली.

चाळीसगाव रोड पोलिस ठाण्यात दाखल तक्रारीनुसार पूजा संभाजी पाटील (वय २२, रा. नंदाळे बुद्रुक, ता. धुळे) ही चाळीसगाव रोडवरील हयात हॉस्पिटल येथे नर्सिंग कोर्ससाठी मुक्कामी राहत होती. (Girl went missing after leaving hospital Dhule News)

हेही वाचा : Credit Card फसवणूक....काय घ्याल काळजी?

तिला १९ मेस सकाळी साडेपाच ते सायंकाळी सातपर्यंत मोबाईलवर संपर्क साधला असता तो बंद येत होता. त्यामुळे तिचा हॉस्पिटलमध्ये तपास केला असता ती पहाटे पाचला दवाखान्यातून निघून गेली, असे तिच्या मैत्रिणींनी सांगितले. तिचा धुळे शहरासह बाहेरगावी नातेवाइकांकडे तपास करण्यात आला.

मात्र, तिचा ठावठिकाणा लागलेला नाही. बेपत्ता पूजा शरीराने मजबूत, रंग- गोरा, उंची- ५ फूट ४ इंच, केसाची ठेवण मोठी, चेहरा लांबट, डोळे मोठे, नाक- सरळ, अंगात मेंहदी कलरचा टॉप, भाषा हिंदी, मराठी अहिराणी अवगत आहे. तिच्या सोबत ९२०९३ ८९७२१ हा मोबाईल क्रमांक आहे.

या वर्णनाची मुलगी कोणास आढळल्यास चाळीसगाव रोड पोलिस ठाण्याशी संपर्क साधावा, असे पत्रकाद्वारे आवाहन करण्यात आले आहे.