साक्री : तालुक्यासह कृषी कायद्याप्रश्नी काँग्रेस पदाधिकाऱ्यांनी आज राज्यपाल भगतसिंग कोशारी यांना निवेदन दिले. राज्यपाल कोशारी हे आज बारीपाडा ता.साक्री येथे आले असता काँग्रेस पदाधिकाऱ्यांनी त्याची भेट घेत हे निवेदन दिले.
यात त्यांनी म्हटले आहे की, केंद्र सरकारने आणलेले शेतकऱ्यांचे काळे कायदे रद्द करावेत, तालुक्यातील अनुसूचित क्षेत्रातील जिल्हा परिषद, पंचायत समिती आरक्षण हे लोकसंख्येच्या प्रमाणात कायमस्वरूपी आदिवासी रहावे, पेसा क्षेत्रात गौण खनिजाचे दगड, वाळू, मातीचा अधिकार ग्रामसभेला दिले आहेत परंतु त्याची ग्रामीण भागात अंमलबजावणी होत नाही ती करावी, कबऱ्याखडक धरण वीस वर्षांपासून बांधले आहे परंतु त्याची पाटचारी झालेली नाही ती करण्यात यावी, तसेच मालनगाव व लाटीपाडा धरणाच्या पाटचारीला 40 वर्ष झाले त्यावरील दुरुस्ती व पूल दुरुस्ती करावी तसेच ग्रामपंचायत काकडदे व टेंभा यांचे विभाजन करावे आदी मागण्यांचे निवेदन काँग्रेस पदाधिकाऱ्यांनी राज्यपाल कोशारी यांना दिले.
यावेळी माजी खासदार बापू चौरे, माजी आमदार डी.एस.अहिरे, तालुका काँग्रेस कमिटीचे अध्यक्ष भानुदास गांगुर्डे, जिल्हा परिषद सदस्य तथा गटनेते धीरज अहिरे, विश्वास बागुल, पंचायत समिती सभापती प्रतिभा सूर्यवंशी, सदस्य रमेश गांगुर्डे, शांताराम कुवर, पंकज सूर्यवंशी, धुडकू भारुडे आदी पदाधिकारी उपस्थित होते.
संपादन- भूषण श्रीखंडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.