नंदुरबार : राज्य निवडणूक आयोगाच्या आदेशानुसार ग्रामपंचायत मौजे खापर येथील प्रभाग क्रमांक तीन अमधील सर्वसाधारण जागेसाठी निवडणूक प्रक्रियेत बाधा आल्यामुळे या जागेची निवडणूक रद्द समजून या जागेसाठी फेरनिवडणूक घेण्यात यावी, असे आदेश राज्य निवडणूक आयोगाकडून देण्यात आल्याची माहिती उपजिल्हाधिकारी (महसूल प्रशासन) नितीन सदगीर यांनी प्रसिद्धीपत्रकान्वये दिली आहे. (Gram Panchayat Election Re election for Khapar Ward Three A seat Nandurbar News)

हेही वाचा : असं एक गाव, जिथं जमिनीला कान लावला तरी संगीत ऐकू येतं...

असा आहे फेरनिवडणुकीचा कार्यक्रम

मतदान शुक्रवारी (ता. २३) सकाळी ७.३० ते सायंकाळी ५.३० वाजेपर्यंत घेण्यात येईल. मतमोजणीचे व निकाल घोषित करण्याची तारीख शुक्रवारी (ता. २३ डिसेंबर) (मतदान संपल्यानंतर लगेचच) असेल.

मतमोजणीचे ठिकाण व वेळ जिल्हाधिकाऱ्यांच्या मान्यतेने तहसीलदार निश्चित करतील. राज्य निवडणूक आयोगाच्या सूचनेनुसार सोमवारी (ता. २६) जिल्हाधिकारी कार्यालयामार्फत निवडणुकीच्या निकालाची अधिसूचना प्रसिद्ध करण्यात येईल, असेही उपजिल्हाधिकारी सदगीर यांनी कळविले आहे.