नाशिक : इगतपुरी तालुक्याच्या पूर्व भागातील अस्वली, नांदूरवैद्य, कुऱ्हेगाव, नांदगाव बु, साकुर,गोंदे दुमाला, जानोरी,पाडळी, कृष्णनगर,लक्ष्मीनगर,समनेरे,माळुंजे,वाघेरे या तसेच मोडाळे, शिरसाठे,सांजेगाव,आहुर्ली, मुरंबी, गावात मंगळवारी (ता.३०) सायंकाळी सहा वाजण्याच्या सुमारास वीजांच्या कडकडाटासह जोरदार परतीच्या पावसाला सुरुवात झाली. तसेच मध्यरात्री १२.३० वाजता पुन्हा जोरदार पाऊस पडला. सुमारे तासभर पडलेल्या पावसाची ११ मिमी नोंद करण्यात आली. त्यामुळे काढणीस आलेल्या भातपिकासह शेतमालाचे प्रचंड नुकसान झाले आहे.
तालुक्यातील सोयाबीन, नागली,वरई, द्राक्ष बागांसह टोमॅटो सारख्या बागायती पिकांचे गेल्या आठवड्यापासून सुरू असलेल्या पावसाने अतोनात नुकसान केले आहे. त्यामुळे इगतपुरी तालुक्यातील नुकसानग्रस्त पिकांचे तातडीने पंचनामे करून शेतकऱ्यांना नुकसान भरपाई द्यावी, अशी मागणी आमदार हिरामण खोसकर यांनी नाशिकचे जिल्हाधिकारी सूरज मांढरे तसेच इगतपुरीच्या तहसीलदार अर्चना भाकड यांच्याकडे निवेदनाद्वारे केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.