जळगाव : "अमृत' योजनेतंर्गत शहरातील सर्वच रस्ते खोदून ठेवल्यामुळे नागरिकांच्या नरकयातना कमी होत नसताना काही खासगी मोबाईल सेवा कंपन्यांकडून महापालिकेची परवानगी न घेताच केबलसाठी खोदकाम तसेच खांब उभारणी सुरू असल्याचा धक्कादायक प्रकार समोर आला आहे. महापालिकेचे संबंधित विभागातील युनिट अभियंत्यांनाही या प्रकाराचा "वारा' नसल्याने त्या परिसरातील नागरिकांमध्ये संताप व्यक्त होत आहे. 

काही दिवसांपूर्वी प्रभाग क्रमांक 13मध्ये नागेश्‍वर कॉलनीत एका मोबाईल कंपनीकडून केबल टाकण्यासाठी रस्ता खोदला जात होता. स्थायी समिती सभापती ऍड. शुचिता हाडा यांनी हा प्रकार समोर आणला. त्या विभागाचे युनिट अभियंता संजय नेमाडे यांना विचारले असता त्यांना या कामाबाबत कोणतीही माहिती नव्हती. 
तसाच प्रकार आज पुन्हा उघडकीस आला आहे. प्रभाग क्रमांक सहामध्ये आंबेडकर मार्केट परिसरात "महानेट' नामक कंपनीच्या नावाने जाड प्लॅस्टिकचे साधारण 15 फूट उंच पोल मनपाची परवानगी न घेताच रस्त्यांवर उभारले जात असल्याचे समोर आले आहे. ऍड. हाडा यांनी याबाबत माहिती घेतली असता संबंधित कंपनीने 19 डिसेंबरला मनपाला या पोल उभारणीसाठी पत्र दिले होते. मात्र, परवानगी नसताना पोल उभारणी सुरू केल्याचा धक्कादायक प्रकार समोर आला. मनपा प्रशासनाचा सावळा गोंधळ यानिमित्ताने समोर येत असून अभियंता नेमके काय काम करतात? असा प्रश्‍नही उपस्थित होत आहे. 

 नक्की पहा ः चोरट्यांनी तिजोरीच केली लंपास