जळगाव : शहरातील गोलाणी मार्केट येथील पूजा ऑप्टिकल दुकानासमोरील पार्किंगमध्ये उभी केलेली दुचाकी चोरट्याने लंपास केली. शहर पोलिस ठाण्यात याप्रकरणी गुन्हा दाखल झाला आहे.

निमखेडी शिवारातील चंदू आण्णानगरात परशुराम पाटील (वय ४२) कुटुंबीयांसह वास्तव्यास आहे. गोलाणी मार्केटमध्ये कार्यालय असलेल्या एका वृत्तपत्रात ते कार्यरत असून सोमवारी नेहमीप्रमाणे कामावर आल्यानंतर त्यांनी त्यांची दुचाकी (MH19 BH 2881) या क्रमांकाची दुचाकी गोलाणी मार्केटमध्ये लावली होती. रात्री दुचाकी मिळून आली नाही. चार ते पाच दिवस सर्वत्र शोध घेऊनही दुचाकी न मिळाल्याने अखेर परशुराम पाटील यांनी शहर पोलिसात तक्रार दिली. शहर पोलिसात गुन्हा दाखल झाला आहे. पुढील तपास पोलिस नाईक योगेश बोरसे करीत आहेत.