शिंदखेडा (धुळे) : मराठा समजला आरक्षण, काकासाहेब शिंदे यांच्या जलसमधीचा निषेध व मुख्यमंत्री यांनी मराठा समाजाची माफी मागावी यासाठी शिंदखेडा येथे सकल मराठा समाजाच्या वतीने बंदची हाक दिली.

आज सकाळ पासून व्यापाऱ्यांनी उस्फुर्त बंदला पाठींबा देत आज कडकडीत बंद पाळला त्यात भाजीपला, मेडिकल या बंद मधून वगळण्यात आले होते. तसेच शाळा व  कॉलेज विद्यार्थ्यांना सुट्टी देण्यात आली होती. दुपारी 11 च्या सुमारास येथील भगवा चौकातून रॅली काढून जोरदार घोषणा देत येथील तहसील कार्यालयात जाऊन तहसीलदार सुदाम महाजन यांना निवेदन देण्यात आले. 

मराठा क्रांती मोर्चाचे समन्वयक भूषण पाटील, उल्हास देशमुख, अरुण देसले, नंदकिशोर पाटील, ज्ञानेश देसले, भूषण कौठळकर, सुभाष देसले, पंकज कौठळकर, नगरसेवक उदय देसले, सुरज देसले, बारकू पाटील, निलेश निकम, स्वप्नील पाटील, सुयोग भदाणे, गिरीष देसले, परीक्षित देशमुख, जगदीश देसले, सदाशिव देसले, संजय भामरे, सागर देसले, धनंजय देसले यावेळी उपस्थित होते. त्यानंतर काँग्रेस जिल्हा अध्यक्ष शाम सनेर, जिल्हा बँक संचालक प्रकाश पाटील, राजेंद्र देसले, शाम पाटील, आबा मुंडे, राजेंद्र देवरे, यांनीही निवेदन दिले.

मराठा समाजाला आरक्षण द्यावे, तसेच औरंगाबाद जिल्ह्यातील काकासाहेब शिंदे यांनी जलसमाधी घेतली याचा निषेध करण्यात येऊन शासनाने त्याच्या कुटुंबियला 25 लाख शासकीय मदत द्यावी. राज्यात होणारी 72 हजार मेघा भरतीस तात्काळ स्थगिती देऊन मराठा आरक्षण लागू झाल्यावर करावी व मराठा समाजाबदद्दल मुख्यामंत्र्यांनी जे अपशब्द वापरले त्या बद्दल त्यांनी माफी मागावी. तसेच, शेतकऱ्यांना उत्पादन खर्चावर आधारित हमीभाव मिळावा जर मागण्या मान्य न झाल्यास आंदोलन तीव्र करण्याचा इशारा निवेदनात करण्यात आला आहे. यासाठी मराठा समाजातर्फे बंदची हाक देण्यात आली.

शहरातील व्यापारी बंधूनी आज सकाळपासून आपापली दुकाने उस्फुर्त पणे बंद ठेवण्यात आली त्यात शहरातील सर्व माध्यमिक व महाविद्यालयातील विद्यार्थ्यांना आज सुट्टी देण्यात आली होती.