कापडणे (धुळे) : हेंद्रूण (ता. धुळे) येथील रवींद्र मोरे व संगीता मोरे या दाम्पत्याचे कोविड १९ (Coronavirus) मुळे निधन झाले. त्यांना एक मुलगा व तीन मुली आहेत. कोरोना महामारीमुळे ही चौघे मुले अनाथ (Corona death) झाली आहेत. जगण्याचा आधार गमावल्याने या मुलांची अवस्था पाषाणह्रदयीलाही पाझर फोडते. त्यांनी पोटाचा प्रश्न आणि शिक्षणाची उमेदच गमावली आहे. (coronavirus-father-and-mother-death-orphaned-four-siblings)

तहसीलदार गायत्री सैंदाणे यांनी या मोरे भावंडांची भेट घेतली. अन् निशब्द झाल्या. त्यांनी जीवनावश्यक वस्तूंची भेट देत सांत्वन केले. गुरूवारी (ता. १०) तहसीलदार गायत्री सैंदाणे हेंद्रुणला पोहचल्यात. कोरोनामुळे निराधार झालेल्या चौघा बहिणभावांना भेटल्यात. त्यांचे सांत्वन केले. जगण्याची नवी उमेद जागविली. शिक्षणासाठी प्रेरणा दिली.

स्‍वखर्चाने जीवनावश्‍यक वस्‍तूंची मदत

शासकीय योजनेचा लाभ मिळवून देण्याची हमी दिली. संजय गांधी निराधार योजने अंतर्गत लाभ मिळवून देण्यासाठी कागदपत्रांची पूर्तता करण्याचे आदेश संबंधित तलाठीस दिले. तहसीलदार सैंदाणे यांनी स्वखर्चाने जीवनावश्यक वस्तू शेंगदाणे, साखर, गूळ, तेल, गहू, तांदुळाची मदत केली. दरम्यान यावेळी मंडळाधिकारी एस. के. पारधी, पुरवठा निरीक्षक सुधीर मोहिते, तलाठी भास्कर ठाकरे, तलाठी गजानन सोनवणे आदी उपस्थित होते.