दोंडाईचा (धुळे) : दोंडाईचा व परीसरात मोठ्या प्रमाणावर कोरोना संक्रमीत रुग्‍णांची संख्या वाढत असल्‍याने उपजिल्हा रुग्‍णालयासह खासगी रुग्नालयातही बेड फूल्ल झाले आहेत. तर दुसरीकडे काही मेडीकल दुकानांमध्ये रेमडेसिवर इंजेक्शन अधिक दराने विक्री करत जनतेची लूट केली जात आहे. 
दोंडाईचा, देवी, विखरण, मालपूर, निमगुळ आदी गावांना कोरोना रूग्‍णांची संख्या वाढत आहे. यामूळे उपजिल्हा रूग्‍णालयासह शहरातील खाजगी रूग्‍णालयही फूल्ल झाले आहेत. परिणामी रूग्‍णांना दाखल करून घेतले नाही. यामुळे पॉझिटीव्ह रूग्‍णांना घरीच जावे लागत आहे. 

रेमडीसेवरची जादा दराने विक्री
रूग्‍णांची वाढती संख्या पाहता जास्‍त त्रास जाणवत असलेया रूग्‍णांना रेमडीसेवर लस दिली जाते. परंतु मेडीकल चालक कोरोनावर उपचार करणारे रेमडेसीवीर इंजेक्शन नऊशे ते साडेनऊशेपर्यत त्यांना मिळते. ते रूग्‍णांना अकराशे रूपयापर्यंत बीलासह विक्री करतात. परंतु काही मेडीकल धारकांकडे हे इंजेक्शन दोन हजार रूपयापर्यंत विक्री करुन ग्राहकांची लूट होत असल्याची चर्चा असून बिल मागितल्यावर नाकारण्यात येते. 

सर..बेड करून द्या हो
दोंडाईचातील शासकिय ग्रामीण रुग्नालयात बेड कोरोना रूग्‍णांनी फूल्ल झाले आहेत. येथील खाजगी रूग्‍णालयात काही कोरोनो रुग्‍णांनी उपचारार्थ धाव घेतली असतांना तेथेही बेड शिल्लक नाहीत. तेव्हा सामाजिक सेवा करणारे व कोरोना योध्दा म्हणुन राज्यपालांच्या हस्ते पूरस्काराने सन्मानित झालेले माजी आरोग्य सभापती यांचे पती सर्व रूग्‍णालयात फेर फटका मारतात; तेव्हा रुग्‍णांचे नातेवाईक व उपचारार्थ आलेल्या रूग्‍णांकडून सर, बेड उपलब्ध करुन द्या हो.. तेंव्हा ते सर संबधीत डॉक्टरांना बेड उपलब्‍धतेसाठी पर्यायी व्यवस्था करण्यासाठी विनवणी करुन रुग्नांना बेड उपलब्ध करून देतात. 

संपादन ः राजेश सोनवणे