marraige bride online exam 
उत्तर महाराष्ट्र

मंगलाष्‍टके आटोपली, सप्तपदीही झाली पण नंतर विधी थांबली अन्‌ वधू मोबाईल घेवून सोफ्यावर..​

सचिन पाटील

शिरपूर (धुळे) : मंगलाष्टके आटोपली, सप्तपदीचा विधीही पार पडला. नंतरचे विधी अचानक थांबवण्यात आले. वधूने मोबाइल हातात घेतला. लग्नाच्या मंडपातच एका बाजूला सोफ्यावर बसून तिने ऑनलाइन पेपर दिला. पेपर आटोपल्यानंतर अन्य विधी पूर्ण करण्यात आले. 

उंटावद (ता. शिरपूर) येथील राष्ट्रवादी काँग्रेसचे पंचायत समिती सदस्य रामकृष्ण विठोबा महाजन यांची कन्या शुभांगी हिचा विवाह उंटावद येथीलच सुरेश नागो महाजन यांचा मुलगा स्वप्निल याच्याशी निश्चित केला होता. शनिवारी (ता. ३०) मुहूर्त निघाला. मात्र त्याच दिवशी शुभांगीचा बी.एस्सी (द्वितीय वर्ष) चा फिजिक्स-इलेक्ट्रॉनिक्सचा ६० गुणांचा पेपर होता. त्यामुळे विवाहाचा मागेपुढे करण्याबाबत उभयपक्षी चर्चा सुरू झाली. मात्र शुभांगीने आत्मविश्वास दाखवीत लग्नाच्या दिवशीच देणार असल्याचे सांगितले. त्यामुळे शनिवारी उंटावद येथे नियोजित मुहूर्तावर विवाह समारंभ पार पडला. 

ज्‍येष्‍ठांचा आशीर्वाद घेत दिला पेपर
विवाहातील काही विधी झाल्यानंतर दुपारी तीनला वाजता पेपरची वेळ झाली. आईवडिलांसह सासरच्या कुटुंबातील ज्येष्ठांचा आशीर्वाद घेऊन शुभांगी मंडपातच एका बाजूला सोफ्यावर बसली. तासाभराचा कालावधी असलेल्या पेपरमध्ये तिने ४० प्रश्न सोडवले. पेपर दिल्यानंतर इतर विधींची पूर्तता करण्यात आली. 

अभ्‍यासात खंड नाही
साखरपुडा झाल्‍यानंतर मुले- मुली अगदी रात्री उशिरापर्यंत फोनवर इंगेज असतात. पण शुभांगी आणि तिच्या पतीने देखील साथ दिली. वेळ वाया न घालता विवाहपूर्व तयारी सुरू असतांनाही शुभांगीने अभ्यासात खंड पडू दिला नव्हता. तिच्या शिक्षणाप्रति निष्ठेचे उपस्थितांतून कौतुक करण्यात आले. 

संपादन ः राजेश सोनवणे

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

बीडमध्ये चाललंय काय? जमिनीच्या वादातून माजी सरपंचाची दहशत; रक्तबंबाळ होईपर्यंत तरुणाला बेदम मारहाण, पोलिसांवर राजकीय दबाव?

Latest Marathi News Updates : पुण्यात पीएमपीच्या ब्रेकडाऊनमध्ये वाढ, एका महिन्यात २४०० घटना

Health Insurance Updated Rules: आता फक्त २ तास ॲडमिट होऊनही क्लेम करता येणार हेल्थ इन्शुरन्स! जाणून घ्या योजना

Sindhudurg : सोनाली गावडे मृत्यू प्रकरण, ‘ती’ दुसरी छत्री कोणाची? बांदा पोलिसांसमोर गूढ उकलण्याचे आव्हान

Eknath Shinde Delhi Visit : पावसाळी अधिवेशन सुरु असताना एकनाथ शिंदेंचं दिल्ली वारी, अमित शहांसह वरिष्ठ नेत्यांची घेतली भेट, नेमकी काय चर्चा झाली?

SCROLL FOR NEXT