अमळनेर ः शहरातील हरिओमनगर भागात भुयारी गटारीचे काम सुरु आहे. सायंकाळी पाचच्या सुमारास खोल असलेल्या चेंबरमध्ये पाईप जोडणीचे काम करत असताना अचानक माती खचून कामगार मानेपर्यंत दबला गेला. हालचालही करता येईना; पण दोन- अडीच तासाच्या प्रयत्नानंतर त्या कामगारास सुखरूप बाहेर काढण्यात यश आले.
अमळनेर शहरातील हरिओमनगर परिसरात भुयारी गटारीचे काम सुरू असून, तेथे पाईप जोडणीचे काम करण्यासाठी कामगार खाली उतरले होते. यावेळी अरुण इंगळे (औरंगाबाद) यांच्यासह एक जण पाईप जोडणीचे काम करीत होते. त्याचवेळी अचानक मातीचा भाग अंगावर कोसळल्याने ते दाबले गेले. त्याच्यातील एक जण सुखरुप बाहेर पडला. मात्र, सुमारे पंधरा फुट खोल असलेल्या भागात अरुण इंगळे हे मानेपर्यंत दाबले गेले.
दोन तास मदतकार्य
मातीखाली दबलेल्या अरूण इंगळे यांच्या बचावासाठी प्रसादनगर, श्रध्दानगर, हरिओमनगर भागातील नागरिक धावून आले. जवळच असलेल्या ठेकेदाराच्या पोकलॅण्डसह शेख रफिक शेख हमीद, सोयब खान युसूफ खान, बबलू राजेंद्र पाटील यांनी टिक्कम, पावडीच्या साहाय्याने मदत कार्याला सुरवात केली. सुमारे दीड ते दोन तासाच्या अथक परिश्रमानंतर त्या व्यक्तीला सुखरुप बाहेर काढण्यात आले. पुढील उपचारासाठी त्या व्यक्तीला खासगी वाहनाने खासगी रुग्णालयात दाखल करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.