भडगाव : पत्नीशी अनैतिक संबध असल्याच्या संशयावरुन धमकविल्याने एका २८ वर्षीय तरुणाने गळफास घेऊन आत्महत्या केली. ही घटना काल रात्री साडेआठ वाजेच्या सुमारास यशवंतनगर भागात घडली. गळफास घेण्यापूर्वी ध्वनी क्लीप सोशल मिडीयावर टाकल्याने उल्लेख केलेल्या सहा संशयीतांपैकी चार संशयीतांना पोलिसांनी ताब्यात घेतले आहे. 

क्‍लिक करा -  राज्यातील पहिले विद्यापीठ....कोरोनाच्या पार्श्‍वभूमीवर विद्यार्थ्यांना मिळतेय...

मृताचे नाव सागर ऊर्फ दादू सुरेश पाटील (वय २१) हा तरुण यशवंतनगर भागात खालची बर्डी येथे आपल्या आत्याकडे राहत होता. याच भागात धनराज बाजीराव पाटील आपल्या कुटुंबीयासह राहतात. धनराज पाटील यांच्या पत्नीशी मृत सागरचे अनैतिक संबध असल्याचा संशय धनराज पाटील यांना होता या कारणावरुन चंदू ऊर्फ दीपक बिरारी, धनराज पाटील, विनोद पाटील, समाधान पाटील, अमोल पाटील, मेघा पाटील (सर्व रा. यशवंतनगर, भडगाव) हे सागर पाटील व त्याच्या घरच्या मंडळी व नातेवाईक यांना धमकवित असत. या नेहमीच्या त्रासाला कंटाळून सागरने गळफास घेतला. 

सागरने गळफास घेण्यापूर्वी गळफास का घेत आहे. याचे कारण काय, याचा सर्व उल्लेख संशयीत आरोपीतासह ध्वनी क्लीप सोशल मिडीयावर व्हायरल केली होती. मृताचे आतेभाऊ गोरख पाटील यांनी भडगाव पोलिस ठाण्यात फिर्याद दिल्यावरून गुन्हा दाखल करण्यात आला आहे. पोलिस उपनिरीक्षक अनंत पटारे तपास करीत आहेत. 

 
असे आहेत अटकेतील संशयित 
सागर पाटीलच्या अत्महत्तेस कारणीभुत सहा जणांपैकी धनराज पाटील, विनोद पाटील, समाधान पाटील, अमोल पाटील या चार जणांना पोलिसांनी ताब्यात घेतले आहे.