धुळे : इंदवे (ता. साक्री) येथील गावातील नवीन घराचा दुसरा मजला पाहिजे, या कारणावरून मुलाने आपल्याच आईला अश्लील शब्द उच्चारून शिवीगाळ केली. त्याचा राग मनात ठेवून बापानेच मुलाच्या डोक्यात बांधकामाची लाकडी फळी मारून ठार मारल्याची घटना घडली.
इंदवे (ता. साक्री) येथे शनिवारी (ता. 21) सकाळी अकराला योगेश देविदास वाघ (वय 40) याने नवीन घराचा दुसरा मजला पाहिजे. म्हणून आई मथुराबाईला अश्लील शब्द उच्चारून शिवीगाळ केली. यामुळे संतप्त झालेल्या योगेशचे वडील देविदास सीताराम वाघ यांनी योगेशच्या डोक्यावर बांधकामाची लाकडी फळी मारली. यात योगेशचा जागीच मृत्यू झाला. सुरवातीला देविदास वाघ व कुटुंबाने नवीन बांधकाम चालू असलेल्या घराच्या दुसऱ्या मजल्यावरून पडल्याने योगेशचा मृत्यू झाल्याचा बनाव रचला. घटनास्थळी पडलेल्या रक्तावर शेण टाकून पुरावा नष्ट करण्याचाही प्रयत्न केला.
या प्रकरणी पोलिसपाटील संतोष पाटील यांना वाघ कुटुंबीयांनी खोटी माहिती दिली. तसेच खरी माहिती उजेडात आल्यांनतर पोलिसपाटील संतोष पाटील यांनी निजामजूर पोलिस ठाण्यात दिलेल्या फिर्यादीवरून खुनाचा गुन्हा दाखल झाला. पोलिसांनी संशयित देविदास वाघला अटक केली असून, सहाय्यक पोलिस निरीक्षक एस. के. शिरसाट तपास करीत आहेत.
शेण टाकून पुरावे केले नष्ट
कुटुंबीयांनी मुलाचा घराच्या दुसऱ्या मजल्यावरून पडून मृत्यू झाल्याचा बनाव केला. तसेच पडलेल्या रक्तावर शेण टाकून पुरावे नष्ट करण्याचा प्रयत्न केला. या प्रकरणी निजामपूर पोलिस ठाण्यात एकाविरुद्ध खुनाचा गुन्हा दाखल झाला. पोलिसांनी संशयिताला अटक केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.