शिरपूर : शेळ्या चोरल्याच्या गुन्ह्यात पोलिसांनी चौकशीसाठी बोलावलेल्या तरुणाने बुधवारी (ता. २२) सकाळी शहर पोलिस ठाण्याबाहेर (Police stations) विषप्राशन केले. त्याला धुळे येथे उपचारासाठी हलविले (Attempted suicide) आहे. मुबारक शब्बीर शाह (वय २५) असे या तरुणाचे नाव असून, तो शहरातील के. जी. मिल रोडवर राहतो.
शहर पोलिसांनी शेळ्या चोरीच्या गुन्ह्यात दोन दिवसांपासून त्याची चौकशी सुरू केली होती. सकाळी पोलिस ठाण्यात आल्यानंतर काही वेळाने तो बाहेर गेला. सोबत आणलेले विषारी द्रव्य प्राशन केल्याने त्याला त्रास होऊ लागला. हा प्रकार लक्षात येताच नागरिकांनी त्याला उपजिल्हा रुग्णालयात दाखल केले. प्रथमोपचार करून त्याला धुळ्याला रवाना केले.
काय आहे प्रकार
मुबारक शाह टेम्पोचालक आहे. १७ सप्टेंबरला निमझरी रस्त्यावरील फार्ममधून १२ शेळ्या चोरीस गेल्या. त्या गुन्ह्याचा तपास करताना पोलिसांनी तिघांना ताब्यात घेतले. संशयितांनी या गुन्ह्यात मुबारकचा सहभाग असल्याची माहिती दिली. त्यामुळे पोलिसांनी त्याला चौकशीसाठी बोलावले होते. गुन्ह्यात नाव गोवले जाण्याच्या भीतीने त्याने आत्महत्येचा प्रयत्न केल्याचे कळते. घटनास्थळी उंदीर मारण्याचे औषध बांधून आणलेली पुडी तसेच रॅटोक्स नावाची विषारी क्रीम आढळली.
शेळ्या चोरीच्या गुन्ह्यात अटक केलेल्या संशयितांनी मुबारक शेख याने टेम्पोतून शेळ्यांची वाहतूक केल्याची माहिती दिली. खातरजमा करण्यासाठी त्याला पोलिस ठाण्यात बोलावले होते. पोलिस या संपूर्ण प्रकाराची चौकशी करीत असून, योग्य ती कार्यवाही केली जाईल.
-रवींद्र देशमुख, पोलिस निरीक्षक, शिरपूर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.