अस्वली स्टेशन- घोटी शहरानंतर वाडीवऱ्हे व टाकेद बु येथील आठवडे बाजारांच्या धर्तीवर गेल्या पन्नास वर्षांनंतर पहिल्यांदाच गोंदे दुमाला येथे दर शनिवारी बाजार भरणार आहे. ग्रामपंचायत व ग्रामस्थांच्या संकल्पनेतून हा बाजार थाटत आहे.

   आज सकाळी दहा वाजता ग्रामपंचायतीच्या वतीने माजी सरपंच तथा विद्यमान ग्रामपंचायत सदस्य गणपत जाधव, सरपंच शरद सोनवणे यांचे हस्ते श्रीफळ वाढवून आठवडे बाजाराचे उद्घाटन करण्यात आले.
यावेळी उपसरपंच विजू नाठे, माजी सरपंच कचरू धोंगडे, जानोरीचे सरपंच अर्जुन भोर, सोसायटी चे अध्यक्ष विजय नाठे, ग्रामपंचायत सदस्य परशराम नाठे, गोपाळ नाठे, कृष्णा सोनवणे, सुनिल नाठे, हिरामण नाठे, हरि बोराडे, बंडू नाठे, बाबूराव नाठे, योगेश बोराडे , ग्रामविकास अधिकारी हनुमान दराडे, भाऊसाहेब कातोरे आदिंसह ग्रामस्थ, दुकानदार उपस्थित होते.
 

-इगतपुरी तालुक्याच्या पूर्व भागातील दहा-पंधरा गावातील लोकांचा नेहमी संपर्क असलेले गाव  विविध कंपन्यांच्या कामगारांमुळे तसेच नाशिक-मुंबई महामार्गावर सर्वाधिक वर्दळीचे गाव असल्याने येथे आठवडे बाजार असणे आवश्यक असल्याचे गावातील जेष्ठ नागरिक व ग्रामपंचायत पदाधिकाऱ्यांच्या संकल्पनेतुन पुढे आली.

काय असेल बाजाराचे वैशिष्ठ

- शनिवारी बहुतेक कंपन्यांना साप्ताहिक सुट्टी असल्याने याच दिवशी  आठवडे बाजार भरणार

- ग्रामपंचायतीकडून  छोट्या दुकांदारास पन्नास रुपये तर मोठ्या दुकानदारास शंभर रुपये प्रोत्साहन भत्ता

-दुकादारांचाही प्रतिसाद लाभला पहिल्याच दिवशी तब्बल पन्नास साठ व्यापाऱ्यांनी थाटली दुकाने

-- गृहोपयोगी कटलरी, भाजीपाला, मासेवाले,भांडे, हार्डवेअर,मिठाई खाऊची दुकाानांचा समावेश

- खरेदीसाठी ग्राहकांची मोठी गर्दी

गैरसोय दूर होण्यास मदत

" घोटी मुख्य बाजारपेठे नंतर वाडीवऱ्हे,टाकेद बु येथेच आठवडे बाजार भरला जात असे ग्रामीण भागातील प्रामुख्याने शेतकऱ्यांना भाडे खर्च करून याठिकाणी बाजारासाठी जावे लागत असे आज
गोंदे दुमाला येथे आठवडा बाजार भरला असल्याने दहा गावच्या ग्राहकांना जवळपास वस्तू मिळत असल्याने गोंदे दुमाला ग्रामपंचायतीने मांडलेल्या संकल्पनेचे ग्रामीण ग्राहकांबरोबरच शेतकऱ्यांनी स्वागत केले आहे.
- एच दराडे,ग्रामसेवक गोंदे दुमाला