नाशिक मध्ये देशातील दुसरे डिफेन्स इनोव्हेशन हब-केंद्रीय संरक्षण राज्यमंत्री डॉ.भामरे 
नाशिक- संरक्षण क्षेत्रात संशोधन व विकासाला चालना देण्यासाठी तामिळनाडूतील कोईंबतुर पाठोपाठ नाशिक मध्ये देशातील दुसरे डिफेन्स इनोव्हेशन हब स्थापन करण्याची घोषणा संरक्षण राज्यमंत्री डॉ. सुभाष भामरे यांनी आज केली. डिफेन्स हब मुळे लष्करी सामर्थ्य वाढण्याबरोबरचं, संरक्षण उत्पादने देशातचं तयार होवून आयातीवरचा खर्च कमी होवून देशांतर्गत नवीन रोजगार निर्मितीला चालना मिळेल असा दावा त्यांनी केला. डिफेन्स हबच्या पायाभुत सुविधा निर्मितीसाठी शंभर कोटी रुपयांची तरतुद केली जाणार असल्याचे त्यांनी जाहिर केले. 
   ओझर टाऊनशिप मध्ये संरक्षण क्षेत्रातील सहभागधारकांच्या परिसंवादाच्या उदघाटन प्रसंगी डॉ. भामरे बोलत होते. ते म्हणाले, इंडो-पॅसिफीक भागात सुरक्षेचे मोठे आव्हान निर्माण झाल्याने संरक्षण सज्जता महत्वाची ठरू लागली आहे