जळगाव: कोरोनासदृष्य लक्षणे जाणवत असल्याने उपचार सुरु असलेल्या 68 वर्षीय वयोवृद्ध महिलेचा आज दुपारी 4.30 वाजेच्या सुमारास मृत्यू झाल्याची घटना घडली. या संशयीत रुग्णाचे नमूने तपासणीसाठी पाठविण्यात आले असून अद्याप त्याचा अहवाल प्रलंबित आहे.
कोरोनाच्या रुग्णांमध्ये दिवसेंदिवस वाढ होत असून संशयीतांची संख्या देखील वाढतच आहे. कोरोना सदृष्य लक्षणे जाणवत असल्याने शुक्रवारी एका 68 वर्षीय महिलेला कोरोना वार्डात उपचारासाठी दाखल करण्यात आले होते. या महिलेवर उपचार सुरु असतांना त्या महिलेचा आज दुपारी 4.30 वाजेच्या सुमारास मृत्यू झाला. या महिलेचे नमूने धूळे येथे तपासणीसाठी पाठविण्यात आले आहे. मात्र त्याचा अहवाल अद्याप प्रलंबित असल्याने या महिलेचा मृत्यू कोरोनामूळे झाला की इतर अन्य कारणामूळे झाला याबाबत स्पष्टता होईल.
कोरोना संशयीताचा 9 वा बळी
कोरोना संशयीत रुग्णांमध्ये दिवसेंदिवस वाढ होत असून आतापर्यंत कोरोना सदृष्य लक्षणे जाणवत असलेल्या रुग्णांमधील 8 जणांचा मृत्यू झाला आहे. यामध्ये या रुग्णांचा अहवाल निगेटिव्ह आला असून त्यांचा मृत्यू इतर कारणांमूळे झाले असल्याचे समोर आले आहे. शनिवारी देखील एका 68 वर्षीय महिलेचा संशयीताचा मृत्यू झाला असून त्यांचा अहवाल प्रलंबित आहे. त्याचा अहवाल आल्यानंतर त्या महिलेच्या मृत्यूचे खरे कारण स्पष्ट होईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.