जळगाव ः कोरोना व्हायरसचा वाढत्या प्रादुर्भावाने संशयीत आणि पॉझिटीव्ह मृत रूग्णांची संख्या वाढत आहे. यातच आज सकाळी साडेअकराच्या सुमारास जळगावच्या कोरोना वॉर्डात ऍडमीट असलेल्या अमळनेरच्या एका रूग्णाचा मृत्यू झाला असून, अडीच तासांपासून मृतदेह उचलण्यात आला नसल्याची माहिती समोर येत आहे.
कोरोना व्हायरसचा प्रादुर्भाव दिवसेंदिवस वाढत आहे. यात जळगाव जिल्हा देखील रेडझोनमध्ये गेला असून, यात अमळनेर हॉटस्पॉट झाला असून, यानंतर जळगाव शहर, भुसावळ, पाचोरा येथे रूग्ण आढळून आले आहेत. जळगाव शासकिय वैद्यकिय महाविद्यालय हे कोरोना व्हॉस्पिटल झाले असून याठिकाणी संशयीत व कोरोना पॉझिटीव्ह रूग्णांवर उपचार करण्यात येत आहेत. यात रूग्णालयातील कोरोना वॉर्डात रूग्णांवर उपचार सुरू आहेत.
अडीच तासांपुर्वी मृत्यू
कोरोना व्हॉस्पीटलमधील कोरोना वॉर्डात दाखल असलेल्या एका 65 वर्षी इसमाचा मृत्यू झाल्याची घटना घडली. वॉर्डात दाखल इसम हा गेल्या दोन- तीन दिवसांपासून काहीच खात नसल्याची माहिती मिळाली असून, काल त्यास व्हेंटीलेटरवर ठेवण्यात आले होते. दरम्यान आज सकाळी साडेअकराच्या सुमारास मृत्यू झाला असून, तो मृतदेह उचलण्यासाठी कोणी आले नसल्याने वॉर्डातील अन्य रूग्ण हे भयभीत झाले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.