कापडणे : यावर्षी आठ जूनपासून सतत पाऊस पडत आहे. शेती शिवारातील बांधासह पडीक गायरानावर गवत मोठ्या प्रमाणात वाढले आहे. बाजरी आणि मक्याची काढणी सुरू झाली आहे. मुबलक प्रमाणात चारा उपलब्ध झाला आहे. हा चारा गुरे असलेल्या शेतकऱ्यांनी मोफत नेण्याचे आवाहन शेतमालकांकडून करण्यात येत आहे. ‘कोणी मोफत चारा घेता का चारा’ असे सोशल मीडियावर व्हायरल केले जात आहे.
चालू खरीप हंगामात पावसाने सरासरी ओलांडली आहे. नदी-नाले दोन महिन्यांपासून खळखळत आहेत. सर्वच बंधारे आणि धरणे ओव्हरफ्लो झाले आहेत. अधिकच्या पावसाने चाऱ्याची मोठ्या प्रमाणात उपलब्धता झाली आहे. धुळे तालुक्यात मोठ्या प्रमाणात मक्याची लागवड झाली आहे. मका काढणीला आला आहे. वादळी आणि मुसळधार पावसाने नुकसानही झाले आहे.
चारा विकण्याचा फंडा
मात्र चारा भरघोस वाढला आहे. त्याच्या कापणीस मजूर मिळणे मुश्कील झाले आहे. काढणी करूनही परवडणारा नाही. त्यापेक्षा मोफत विकण्याचा फंडा शेतकऱ्यांनी शोधून काढला आहे. धुळे तालुक्यात दुभत्या जनावरांच्या संख्येत मोठी वाढ झाली आहे. धुळे शहर परिसरातील काठेवाडींकडे मोठ्या प्रमाणात गायी आहेत. ते मक्याच्या चाऱ्याचा अधिक लाभ घेत आहेत.
संपादन- भूषण श्रीखंडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.