नंदुरबार ः नंदुरबार जिल्ह्याचा सीमावर्ती भागातील साक्री वनक्षेत्र हद्दीतील सिंदबन शिवारातील संजू ठेलारी यांच्या शेतात बिबट्या मृतावस्थेत आढळून आला. बिबट्याचा अंगावर साधी जखमही नव्हती, त्यामुळे त्याच्या मृत्यूचे कारण समजू शकलेले नाही.
बिबट्याचा मृत्यू झाल्याची माहिती नंदुरबार वनविभागाला मिळाली होती. त्यानुसार नंदुरबार वनविभागाचे व साक्री वनविभागाचे कर्मचारी घटनास्थळी गेले. पशुवैद्यकीय अधिकारी अहिरे यांनाही घटनास्थळी बोलविण्यात आले. तपासणीत बिबट्याच्या अंगावर कुठल्याही प्रकारचे जखमा मिळून आल्या नाहीत. त्यामुळे प्रथमदर्शनी बिबट्याच्या मृत्यूचे कारण समजू शकलेले नाही. बिबट्याच्या मृतदेहाचा पंचनामा करुन पशुवैद्यकीय अधिकारी एस. आर. कोळेकर यांनी शवविच्छेदन केले.
अवयव नाशिकला रवाना
मृत बिबट्याचे अवयव तपासणीसाठी नाशिक येथील प्रयोगशाळेत पाठविण्यात आले आहे. नाशिक प्रयोगशाळेचा अहवाल आल्यानंतरच बिबट्याच्या मृत्यूचे कारण स्पष्ट होणार आहे. यावेळी नंदुरबार वनक्षेत्रपाल मनोज रघुवंशी, वनपाल युवराज भाबड, वनरक्षक अरविंद निकम, भानुदास वाघ, ममता पाटील, ठाणेपाडा पोलिसपाटील दिनेश बागूल, वनरक्षक शीतल बोरवणे, संजय पाटील, आबा बागूल यांच्या उपस्थितीत बिबट्यावर अंत्यसंस्कार करण्यात आले.
संपादन- भूषण श्रीखंडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.