death pregnant mother 
उत्तर महाराष्ट्र

धक्‍कादायक..गरोदर मातेचा असह्य वेदनांनी मृत्‍यू, बाळही दगावले; रूग्‍णवाहिका चालक बाजारात व्यस्‍त

दिनेश पवार

मंदाणे (नंदुरबार) : गरोदरमातेच्या उपचारासाठी वेळेवर रुग्णवाहिका न मिळाल्याने मातेसह गर्भातील बाळाचा मृत्यू झाला. या घटनेत बेजबाबदारपणे वागलेले १०८ रुग्णवाहिकेवरील चालक व वैद्यकीय अधिकाऱ्याची चौकशी करून कारवाईची मागणी आमदार राजेश पाडवी यांनी जिल्हाधिकाऱ्यांकडे केली आहे. 
लक्कटकोट (ता. शहादा) येथील प्रमिलाबाई युवराज वसावे या गरोदरमातेला शुक्रवारी (ता. २) सकाळी त्रास जाणवू लागला. तिच्या नातेवाइकांनी तत्काळ रुग्णालयात दाखल करण्यासाठी १०८ रुग्णवाहिकेशी संपर्क साधला. त्यानुसार रुग्णवाहिका (एमएच १४, सीएल १०५८) वरील चालक राजू वाडीले व वैद्यकीय अधिकारी डॉ. कैलास पाटील यांच्याशी गरोदरमातेच्या नातेवाइकांचा संपर्क झाला. माहिती दिल्यानंतर संबंधित महिलेच्या नातेवाइकांनी दोघांना लवकर येण्यासाठी विनंती केली. कर्मचाऱ्यांनी संबंधित महिलेच्या नातेवाइकांना घटनास्थळी पोहोचण्यास एक ते दोन तास लागतील, असे सांगितले. त्यामुळे संबंधित महिलेच्या नातेवाइकांनी आमदार राजेश पाडवी व त्यांचे स्वीय साहाय्यक हेमराज पवार यांच्याशी संपर्क साधून घटनेची माहिती दिली. 

चालक बाजारात तर डॉक्‍टर बाथरूममध्‍ये
तत्काळ स्वीय साहाय्यक पवार यांनी १०८ रुग्णवाहिकेवरील चालक व वैद्यकीय अधिकाऱ्याची माहिती मिळवली. चालक राजू वाडीले बाजारात खरेदी करताना व वैद्यकीय अधिकारी डॉ. कैलास पाटील घरी आंघोळीत व्यस्त असल्याची माहिती मिळाली. 

वाटेतच प्रसूती 
गरोदर महिलेला जास्त त्रास होऊ लागल्याने तिला खासगी वाहनाने लक्कटकोट येथून म्हसावद ग्रामीण रुग्णालयात उपचारासाठी नेऊ लागले. उपचारासाठी नेत असतानाच संबंधित महिला रिक्षातच प्रसूती झाली. त्यात महिलेने एका नवजात बाळाला जन्म दिला. पुढे म्हसावद ग्रामीण रुग्णालयात गरोदरमातेला नेले. मात्र, वेळेवर न पोचू न शकल्याने संबंधित माता व तिच्या गर्भात असलेल्या दुसऱ्या बाळाचा मृत्यू झाला. 

जिल्‍हाधिकारी यांच्याकडे तक्रार
सदर घटनेप्रकरणी जबाबदार असलेले १०८ रुग्णवाहिकेवरील संबंधित बेजबाबदार चालक व वैद्यकीय अधिकारी यांची चौकशी होऊन गरोदर महिला व बाळाच्या मृत्यूस कारणीभूत असलेल्या चालक व वैद्यकीय अधिकारी यांच्यावर कठोर कारवाई करण्याची मागणी आमदार पाडवी यांनी लेखी स्वरूपात जिल्हाधिकारी यांच्याकडे केली आहे.

संपादन ः राजेश सोनवणे

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Hormuz Strait Swim : समुद्रात उतरला अन् काही मिनिटांतच स्फोट! होर्मुझमध्ये पोहताना जलतरणपटूने काय पाहिलं? धक्कादायक अनुभव

IND vs NZ, Test: रिषभ पंतचा षटकार ठोकत शतकाचा चौकार! रोहित-गेलला टाकलं मागे अन् आता सचिन तेंडुलकरचा विक्रम धोक्यात

Crime News: केक पडल्याच्या वादातून मध्यरात्री घरावर हल्ला; तरुणावर कोयत्याने वार, आजोबांचा हात मोडला, आजी-आजोबांसह नातवाला बेदम मारहाण.

Marathi News Live Updates : देशासाठी लढलो, आता हक्कांसाठी लढणार; पुनर्नियुक्त माजी सैनिकांचा सरकारला इशारा

Kukadi Canal : वीजवाहिनीचे काम कुकडी कालव्यातून ;शेतकऱ्यांचा विरोध; तातडीने काम थांबविण्याची मागणी

SCROLL FOR NEXT