अस्वली स्टेशन: राजकीय सूडबुद्धीने आमच्यावर केलेले भ्रष्टाचाराचे आरोप बिनबुढाचे व विधानसभा निवडणूकीच्या तोंडावर राजकीय हेतूने प्रेरित होवून केले जात आहे . ठोस पुराव्यांसह आरोप सिध्द करुन दाखवा अन्यथा अब्रुनुकसानीचा दावा दाखल करू असा खुलासा शिवसेनेच्या माजी आमदार निर्मला गावीत यांनी केला आहे. आज झालेल्या पत्रकार परिषदेत त्या बोलत होत्या. 

इगतपुरी-त्र्यंबकेश्वर तालुक्यात राबविलेल्या उपसा सिंचन योजनेत १००कोटींचा भ्रष्टाचार केल्याचा गंभीर आरोप गोपाळा लहांगे यांनी शिवसेनेच्या माजी आमदार निर्मला गावीत यांच्यावर २जुलै रोजी पत्रकार परिषदेत केला होता.त्याला प्रतिउत्तर देतांना त्यांनी माहिती दिली की उपसा सिंचन योजनेला लघुपाटबंधारे मंडळ यांच्या प्र.कं.३१८८ प्रशासकीय मान्यतेनुसार डिसेंबर२००७ मध्ये  डहाळेवाडी,खरोली,आळवंड,अंबई,देवगाव इतर गावांसह  त्र्यंबकेश्वर तालुक्यात देवमोगरा माता आदिवासी सेवाभावी संस्थेच्या माध्यमातून राबविण्यात आली होती.त्याकाळात मी आमदार सुद्धा नसतांना हे आरोप होत आहेत.