त्र्यंबकेश्वर- दरवर्षीप्रमाणे आज वरुथिनी एकादशी निमित्त निव्रुत्ती नाथांच्या समाधीला चंदनाची उटी लावण्यात आली. या सोहळ्यास वारकरी भाविक व या मंदिराचे विश्वस्थ मोठ्या संख्येने उपस्थित होते. 

ग्रीष्माचा त्रास सुसह्य व्हावा,यासाठी ही उटी लावली जाते. या सोहळ्यासाठी तयारी आठवडाभर अगोदर सुरु असते. वारकरी महिला व पुरुष चंदनाचे खोड सहाणेवर उगाळुन मोठ्या प्रमाणावर ही उटी तयार करुन ठेवतात. त्यासाठी बाहेरुन येउन हे सेवा कार्य करतात. आज दुपारी दोनला पुजक ह.भ.प.जयंत महाराज गोसावी यांनी उटी लावण्यास घेतली. त्यांना योगेश गोसावी,भानुदास गोसावी व कुटुंबीयांनी सहकार्य केले.या देवस्थानचे अध्यक्ष ह.भ.प. पंडीत महाराज कोल्हे,माजी अध्यक्ष धोंगडे महाराज,त्रंबकराव गायकवाड,मंडलेश्वर रामक्रुष्ण महाराज लहवितकर, पुंडलीकराव थेटे या विश्वस्तांनी सोहळ्यात सहभाग घेतला.