नाशिकः यंदाच्या मोसमात सुरवातीपासून हवामान विभागाच्या अंदाजाला समांतर प्रतिसाद देत आज कोसळलेल्या मुसळधार पावसाने शहर जिल्ह्यात दाणादाण उडवली. वीज कोसळून घोटीत एकाचा मृत्यु तर राशेगाव(ता.दिंडोरी) येथे शिवाजी इचाळे यांच्या शेतात वीज पडून एका बैलाचा मृत्यू झाला.काही ठिकाणी द्राक्षबागा भुईसपाट केल्या. धरणक्षेत्रातील पावसामुळे सायंकाळी धरणातून विसर्ग सुरु झाला. नवरात्रोत्सवासाठी यात्रोत्सव, रास गरबा आणि दुर्गापुजेच्या उत्साहासाठी घराबाहेर पडलेल्या भाविकांची मात्र चांगलीच दाणादाण उडवली.