नाशिक : कळवणचे राष्ट्रवादी कॉंग्रेसचे नवनिर्वाचित आमदार नितीन पवार बेपत्ता असल्याची तक्रार पंचवटी पोलिसांत शनिवारी (ता.23) रात्री दाखल करण्यात आली. तर रविवारी (ता. 24) दुपारनंतर आमदार पवार यांचा राष्ट्रवादी कॉंग्रेसच्या नेत्याशी संपर्क झाल्याचे समोर आले. त्यांचा व्हिडिओ सोशल मीडियावर व्हायरलही झाला. मात्र अद्याप त्यांचा त्यांच्या कुटुंबीयांशी कोणताही संपर्क झालेला नाही.
ट्विटवर त्यांचा व्हिडिओ व्हायरल
महाराष्ट्रातील सत्ताकारणाला शनिवारपासून कलाटणी मिळाली असून, त्याच पार्श्वभूमीवर कळवणचे आमदार नितीन पवार बेपत्ता आहेत. त्यांचा संपर्क होत नसल्याने अखेर शनिवारी रात्री पंचवटी पोलिसात त्यांचा मुलगा हृषीकेश पवार यांच्या तक्रारीनुसार बेपत्ताची नोंद करण्यात आली. त्यानंतरही त्यांच्याशी संपर्क साधण्याचे कुटुंबीयांकडून वारंवार प्रयत्न केले जात होते. दुसरीकडे पक्ष कार्यालयाकडूनही त्यांचा शोध घेतला जात असताना दुपारी राष्ट्रवादी कॉंग्रेसच्या ट्विटवर त्यांचा व्हिडिओ व्हायरल झाला आहे. त्यामुळे आमदार पवार सुरक्षित असल्याचे स्पष्ट झाले. मात्र अद्यापही त्यांचा नाशिकमध्ये असलेल्या कुटुंबीयांशी कोणताही संपर्क झालेला नाही. आमदार पवार यांचा थेट संपर्क होत नसल्याने कुटुंबीय द्विधा मनस्थितीत असल्याचे हृषीकेश पवार यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.