dhule mnpa  
उत्तर महाराष्ट्र

आमचे नगरसेवक विकाऊ नाहीत; शेवटच्या सभेत सभापतीची राजकीय फटकेबाजी  

रमाकांत घोडराज

धुळे ः भाजपचे १५ नगरसेवक घेऊन यावेत मी त्यांना महापौर करतो या एमआयएमचे आमदार फारुक शाह यांच्या वक्तव्यावरून महापालिकेच्या स्थायी समिती सभेतही थोडी राजकीय फटकेबाजी पाहायला मिळाली. सभापती सुनील बैसाणे यांनी भाजपचे नगरसेवक विकाऊ नाहीत, आमचे नगरसेवक विकत घेण्याची कुणाची औकात नाही असे म्हणत विरोधकांवर निशाणा साधण्याचा प्रयत्न केला. 

श्री. बैसाणे यांच्या स्थायी समिती सभापतिपदाच्या कार्यकाळातील शेवटची स्थायी समितीची सभा  महापालिकेत झाली. या सभेत  राष्ट्रवादी काँग्रेसचे नगरसेवक कमलेश देवरे यांनी सभापती श्री. बैसाणे यांच्या कामाचे कौतुक करतांनाच वारंवार तक्रारी करुनही कामे न झाल्याचा मुद्दा तिरकसपणे मांडण्याचा प्रयत्न केला. श्री. देवरे म्हणाले, की आपल्या सभापतिपदाच्या कार्यकाळात आपण भरपूर मेहनत घेतली पण आपल्या मेहनतीची प्रशासनाने किती दखल घेतली याचा विचार केला पाहिजे. विशेषतः देवपूर भागातील भुयारी गटार योजनेच्या तसेच आरोग्य विभागातील कर्मचाऱ्यांच्या कामावरील उपस्थितीच्या अनुषंगाने तक्रारी करुनही त्या सुटल्या नसल्याच्या मुद्द्य़ाकडे त्यांचा रोख होता. हाच धागा पकडून श्री. देवरे यांनी आपल्याच (भाजप) नगरसेवकांचीही कामे होत नसतील तर आमदार शाह यांनी १५ नगरसेवकांच्या अनुषंगाने केलेल्या वक्तव्यात तथ्य तर नाही ना असा प्रश्‍न सभापती श्री. बैसाणे यांना केला. 

कुणाची औकात नाही 
श्री. देवरे यांनी केलेल्या प्रश्‍नाला उत्तर देताना सभापती श्री. बैसाणे म्हणाले, की आमदारांना बोलण्याचा अधिकार आहे. मात्र, आमचे भाजपचे नगरसेवक विकाऊ नाहीत, कुणाच्या खिशात एवढी ताकद नाही, औकात नाही. उलट आमदारांच्या पक्षाचे (एमआयएम) नगरसेवक तरी त्यांच्यासोबत आहेत का असा प्रश्‍न श्री. बैसाणे यांनी केला. दरम्यान, एमआयएमच्या सदस्याकडे संबंधित १५ नगरसेवकांची लिस्ट असल्याची चर्चाही सभेनंतर महापालिकेत रंगली होती. 
 

संपादन- भूषण श्रीखंडे

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Walmik Karad: वाल्मिक कराडला दुसऱ्या तुरुंगात हलवणार का? दोषमुक्तीच्या अर्जाचं काय झालं? उज्ज्वल निकमांनी सविस्तर सांगितलं

Video: किती हा निर्दयीपणा! मनोरंजनासाठी मालकाने नोकरावर सोडला सिंह, भयानक व्हिडिओ व्हायरल

"नातेवाईक जेवण जमिनीवर टाकून खायला सांगायचे" या मराठी अभिनेत्रीचं हलाखीत गेलं बालपण; "जुने कपडे.."

Latest Maharashtra News Updates : उद्यापासून अंशतः विनाअनुदानित शिक्षक संघटनांचं 'शाळा बंद' आंदोलन

WTC 2025-27 ची ऑस्ट्रेलियाकडून दणक्यात सुरूवात! पहिले दोन्ही सामने जिंकत भारत-इंग्लंडला दिलं टेन्शन

SCROLL FOR NEXT