नाशिक : सोळाव्या महापौरपदी कोण बसणार? याबाबतची उत्सुकता शिगेला पोचली असून आता याला पूर्णविराम मिळाला आहे. कारण नाशिक महापालिकेच्या महापौरपदी भाजपाचे सतीश कुलकर्णी विराजमान झाले आहेत. तर उपमहापौरपदी भिकुबाई बागुल यांची बिनविरोध निवड झाली आहे. या निवडणुकीत महाराष्ट्र नवनिर्माण सेनेच्या पाचही नगरसेवकांनी देखील भाजपाला साथ दिली. त्याचप्रमाणे भाजपाच्या दहाही बंडखोरांनी बंडखोरी मागे घेत भाजपाला पाठिंबा केल्याने भाजपाचा विजयाचा मार्ग सुकर झाला.
उत्सुकता शिगेला पोचली होती
महापालिकेत भाजपकडे बहुमत होते तरी दहापेक्षा अधिक नगरसेवक शिवसेनेच्या गोटात दाखल झाल्याने सोळाव्या महापौरपदी कोण बसणार? याबाबतची उत्सुकता शिगेला पोचली होती. भाजपचे नगरसेवक फुटल्याचा दावा केला जात होता, तरी सभागृहात बहुमत सिद्ध करण्यासाठी पुरेसे बळ असल्याचा दावा भाजपकडून करण्यात आला. शिवसेनेने बहुमताचा आकडा गाठण्याइतपत नगरसेवक असल्याचा दावा केला होता. दुसरीकडे मनसेसह कॉंग्रेसची भूमिका महत्त्वाची ठरणार असून, नाशिकच्या सत्तेच्या राजकारणाकडे राज्याचे लक्ष लागले होते.
भाजपकडून ताकही फुंकून पिण्यात आले
महाशिवआघाडीप्रमाणे नाशिकमध्ये देखील शिवसेनेने पुढाकार घेऊन काँग्रेस, राष्ट्रवादी आणि मनसेला एकत्र आणण्यासाठी प्रयत्न केले होते..महापालिकेत भाजपकडे बहुमत होते, पण माजी आमदार बाळासाहेब सानप समर्थक नगरसेवकांनी शिवसेनेची वाट धरल्याचे स्पष्ट झाले. त्यामुळे सत्तास्थापनेच्या खेळात भाजपकडून ताकही फुंकून पिण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.