इगतपुरी (जि. नाशिक) : नाशिक-मुंबई महामार्गावरील नवीन कसारा घाटात बुधवार ( ता.११ रोजी ) पहाटे धबधबा पॉईंटच्या पुढे वळणावर ( स्टोन कि मी क्रं 472 .8 ) येथे क्रूझरकार ( क्रं.MH - 22- U - 2801 ) हिच्यावरील चालक हा भरधाव वेगात वाहन नेत असतांना वाहनावरील नियंत्रण सुटून पलटी होऊन रोडच्या बाजूला संरक्षण भिंतीला आदळुन झालेल्या अपघातात (Accident) एक युवती जागीच ठार झाली तर 7 जण किरकोळ जखमी झाले आहे. (1 young woman killed 7 injured in cruiser Accident Nashik Accident News)

या अपघातात दर्शना विजय कांबळे ( वय 11 वर्ष रा.मंठा जि.जालना ) ही मयत झाली असून तसेच

1) लिलाबाई लिंबाजी राठोड वय -30 वर्ष रा. मालेगाव.

2) लिंबाजी राठोड वय-40 वर्षे रा . मालेगाव.

3) विठ्ठल चव्हाण वय - 45 रा. वसई.

4) जयश्री गजानन पवार वय -34 रा. वसई

5) अनवी गजानन पवार वय-1 वर्ष रा.वसई

6) कल्पना राजेश जाधव वय- 30 वर्ष रा. वसई

7) शामराव चव्हाण वय -60 वर्ष रा. वसई

हे सर्वजण किरकोळ जखमी झाले असून सदर मयतास व जखमीस टोलनाका अॅंबुलन्सने कसारा ग्रामीण रुग्णालयात उपचारासाठी पाठविले आहे. अपघातग्रस्त वाहन रस्त्याच्या बाजूला केले असून दोन्ही लेन वाहतूक सुरळीतपणे चालू आहे.