नाशिक : जिल्हा कौशल्य विकास, रोजगार व उद्योजकता मार्गदर्शन केंद्र कार्यालयातर्फे शुक्रवारी (ता. २९) सकाळी अकराला केंद्राच्‍या त्र्यंबक रोडवरील इमारतीत रोजगार मेळावा आयोजित केला आहे.

पंडित दीनदयाळ उपाध्याय रोजगार मेळाव्‍याअंतर्गत शंभर जागा उपलब्‍ध असतील, असे विभागाने कळविले आहे. (100 seats available in employment fair nashik)

मेळाव्यात युवाशक्ती फाउंडेशन आणि मिराक्वई व्हेन्च्युअर्स या कंपन्या मुलाखत घेतील. निवड झालेल्या उमेदवारांना जागेवरच नोकरी उपलब्ध केली जाणार आहे.

मेळाव्यात दहावी, बारावी, आयटीआयचे सर्व ट्रेड, अभियांत्रिकी पदवी, पदविका मेकॅनिकल इंजिनिअरिंग, आणि सर्व पदवी उत्तीर्ण उमेदवारांना सहभागी होता येणार असल्‍याचे कळविले आहे.

संकेतस्‍थळावर अर्ज न केलेल्‍या उमेदवारांनी आधी ही प्रक्रिया पूर्ण करण्याचे आवाहन कौशल्य विकास, रोजगार व उद्योजकता मार्गदर्शन अधिकारी रविकुमार पंतम यांनी केले आहे.