नाशिक : प्रत्येक तरुणाला वाटत असते कि आपल्यालाही सरकारी नोकरी लागावी, म्हणजे आयुष्य कस सुखा-सुखी सुरू होत. जर केंद्र सरकारच्या आखत्यारित येणारी नोकरी लागली तर सोन्याहून पिवळं. त्यातही रेल्वेत नोकरी मिळावी यासाठी तरूण धडपड करत असतात. मात्र ही धडपड करताना जर आपण एखाद्या आमिषाला बळी पडलो तर आपला खिसा रिकामा झालाच म्हणून समजायच. असाच अनुभव नाशिकच्या दोघा तरुणांना आला आहे.

त्यांनी भरती प्रक्रिया अशी राबली कि समोरच्याला वाटेल....

वैभव वाडकर आणि राहुल बालुरे असे या फसवणूक झालेल्या तरुणांची नावे आहेत. सिडको परिसरात १ जून २०१८ ते फेब्रुवारी २०१९ या काळात यांच्यासह काही तरुणांना रेल्वेत सरकारी नोकरी लावून देण्याचे आमिष दाखवून कर्नाटक व कोलकत्ता येथे बोलावून घेतले. त्यांच्‍याकडून खोटे फॉर्म भरून घेतले व खोटी भरती प्रक्रिया राबवून ती खरी आहे, असे भासवून यांच्याकडून नाशिक येथील ॲक्सिस बँकेचे धनादेश घेऊन १३ लाख वटवले. जेव्हा आपली फसवणूक झाली आहे असे यांच्या लक्षात आले तेव्हा त्यांनी पोलिसांत तक्रार दाखल केली.

प्रकाश पाटील, संदीप उपासे, दयानंद उपासे (एकांबा, ता. औराद, जि. बिदर), निरंजन, मानसकुमार नाईक अशी संशयितांची नावे आहेत. वैभव शिवाजी वाडकर (वय २५, चंदा निवास, जिजामाता कॉलनी, शिवाजीनगर, सातपूर) यांच्या तक्रारीवरून गंगापूर पोलिस ठाण्यात फसवणुकीचा गुन्हा दाखल झाला.