म्हसरूळ (नाशिक) : आपल्या दैनंदिन नित्य- नियमाने योगासने (Yoga) करीत असताना मखमलाबादच्या विद्या नगर येथील 30 वर्षीय महिलेचा दुर्दैवी मृत्यू (Death) झाला आहे. सोनल संतोष आव्हाड असे या महिलेचे नाव आहे. आरोग्याबाबत जागरूक (Health conscious) असलेल्या सोनलचा योगा करतानाच मृत्यू झाल्याने परिसरात खळबळ उडाली आहे.

याबाबत अधिक माहिती अशी,

मखमलाबाद रोड वरील विद्या नगर येथील सोनल आव्हाड नित्य- नियमाने योगासन करत असत. गुरूवारी (ता. 29) सकाळी सोनल या प्राणायाम करत असताना त्यांच्या छातीत अचानक दुखू लागले आणि त्या जमिनीवर कोसळल्या, लागलीच त्यांच्या कुटुंबीयांनी त्यांना तात्काळ जिल्हा रुग्णालयात उपचारार्थ दाखल केल. परंतु वैद्यकीय अधिकाऱ्यांनी त्यांना मृत घोषित केले. सोनल यांना आधीच हृदयविकाराचा त्रास असावा असा प्राथमिक अंदाज वर्तविला जात आहे.

अचानक वाढलेल्या थंडीमुळे त्यांना अधिक त्रास झाला असावा असा अंदाज देखील वैद्यकीय सूत्रांनी व्यक्त केला आहे.