नाशिक : पंचवटी येथील ३२ वर्षीय विवाहिता सहावर्षीय मुलासह बेपत्ता झाली आहे. श्रद्धा चेतन शिंदे (रा. एकदंत सोसायटी, साईछायानगर, पंचवटी) व गोरांग शिंदे, असे बेपत्ता झालेल्या महिलेचे व मुलाचे नाव आहे. याबाबत पती चेतन वासुदेव शिंदे यांच्या फिर्यादीनुसार पंचवटी पोलिस ठाण्यात बेपत्ता झाल्याची नोंद करण्यात आली आहे. शरीराने मध्यम, रंग सावळा, चेहरा गोल, नाक सरळ, डोळे काळे, उंची पाच फूट तीन इंच, डोक्याचे केस कुरळे, असे बेपत्ता श्रद्धा शिंदे यांचे वर्णन आहे. गोरांग हा शरीराने सडपातळ, रंग गोरा, चेहरा गोल, नाक सरळ, उंची तीन फूट आहे. याबाबत कोणाला माहिती असल्यास पंचवटी पोलिस ठाण्यात संपर्क साधण्याचे आवाहन करण्यात आले आहे.