Nashik Fraud Crime : मेंदूच्या विकारावरची औषधे तयार करण्यासाठी लागणाऱ्या कच्चा मालासाठी पैसे घेत तब्बल ३६ लाखाची एका डॉक्टरची फसवणूक केल्याचा प्रकार उघडकीस आला आहे.

याबाबत पोलिसांनी दिलेल्या माहितीनुसार फिर्यादी डॉ. सतीश जगताप (६८ रा. गुलमोहर कॉलनी, डीजीपीनगर) यांचे सिडकोतील शिवशक्ती चौक येथे आपुलकी नावाने क्लिनिक आहे.

हेही वाचा : Credit Card फसवणूक....काय घ्याल काळजी?

त्यांना संशयित शिवानी पाटील, सबेरे लाल, चंद्रावती सिंग, शुभम नामदेव, जयश्री शेठ, विक्रम लिंबू , सुनील वाल्मीक, जयप्रसाद तिवारी, संजय शर्मा, विक्रम बन्सल, अँजल एडवर्ड यांनी राजू एंटरप्रायझेस, नावाची फर्ममार्फत डॉ. जगताप यांच्याशी संपर्क साधला.

आम्ही तुम्हाला मेंदू विकारावरची औषधे तयार करून देतो, अशी बतावणी करत त्यासाठी लागणाऱ्या कच्चा मालासाठी त्यांच्याकडून २ मे २०२१ ते २५ मे २०२२ कालावधीत वेळोवेळी त्यांच्याकडून ३६ लाख रुपये घेऊन त्यांची फसवणूक केली.

याप्रकरणी अंबड पोलिस ठाण्यात संशयितांविरुद्ध गुन्हा दाखल करण्यात आला असून, पुढील तपास सहाय्यक पोलिस निरीक्षक वसंत खतेले करीत आहेत.