सिन्नर (जि.नाशिक) : सिन्नर-शिर्डी महामार्गावर (sinner-shirdi highway) कार व डंपरच्या धडकेत कारमधील तिघांचा मृत्यू झाल्याची घटना रविवारी (ता. १३) सकाळी अकराच्या सुमारास दातली (ता. सिन्नर) एमआयडीसी परिसरात घडली. (accident-sinner-shirdi-highway-marathi-news)

एकाच गावातून तिघांची अंत्ययात्रा; सिन्नर-शिर्डी रस्त्यावर काळाचा घाला

सिन्नरकडून शिर्डीच्या दिशेने जाणाऱ्या हायवा डंपरने (एमएच-१७-बीडी-७५५५) शिर्डीहून सिन्नरकडे येणाऱ्या इंडिगो कारला (एमएच-१२-सीके-९०३०) समोरासमोर धडक दिली. या अपघातात इंडिगो कारचालक रवींद्र गंगाधर रावळ (वय ४१, रा. लक्ष्मीनगर, कोपरगाव), भागेश अनंत जोशी (५०, रा. कोळपेवाडी) व लीलावती अनंत जोशी (७५, रा. कोळपेवाडी, कोपरगाव) हे तिघे गंभीर जखमी झाले. त्यांना तत्काळ रुग्णालयात हलविण्यात आले. मात्र त्यापूर्वीच त्यांचा मृत्यू झाल्याची माहिती सिन्नर एमआयडीसी पोलिसांनी दिली. अपघाताची माहिती मिळताच कोपरगाव परिसरात हळहळ व्यक्त करण्यात आली. या प्रकरणी सिन्नर पोलिस ठाण्यात अपघाताची नोंद झाली असून, सहाय्यक पोलिस निरीक्षक गरुड तपास करीत आहे. मृत कारचालक व प्रवासी कोपरगाव तालुक्यातील रहिवासी आहेत.