नाशिक : वेळ दुपारची...लग्न लागले..ते पण मोजक्या वऱ्हाड मंडळींच्या उपस्थितीत...तरीदेखील या सर्वांना हे लग्न महागात पडले असून चक्क ५ हजारांचा फटका बसला आहे. काय घडले नेमके? वाचा....(action-against-break-rules-corona-in-wedding-nashik-marathi-news)

महापालिका पथकाने अचानक दिली भेट.....

महापालिका पश्चिम विभागीय कार्यालयाच्या पथकाने विभागीय अधिकारी जयश्री सोनवणे यांच्यासह विवाह सोहळे असलेल्या दोन मंगल कार्यालयांना अचानक भेट देत पाहणी केली. गंगापूर रोड येथील प्रसाद मंगल कार्यालय आणि समर्थ मंगल कार्यालयास गुरुवारी (ता. १७) दुपारी भेट देत पाहणी केली. त्या ठिकाणी वऱ्हाडी मंडळींची संख्या जरी ठरवून दिलेल्याप्रमाणेच होती तरीदेखील सोहळ्याच्या ठिकाणी दंडात्मक कारवाई करण्यात आली. बहुतांशी वऱ्हाडी मंडळींनी मास्कचा वापर केला नसल्याचे आढळून आले. विनामास्क सोहळ्यात उपस्थित राहून कोरोना नियमांचे उल्लंघन केल्याने दोन्ही मंगल कार्यालयांतील प्रत्येकी पाच अशा दहा जणांवर प्रत्येकी पाचशे रुपये याप्रमाणे पाच हजारांचा दंड करण्यात आला. वऱ्हाडी मंडळी विनामास्क असल्याचे आढळल्याने त्यांच्यावर दंडात्मक कारवाई करण्यात आली.