नाशिक : तंबाखू व तंबाखूजन्य पदार्थांचे (tobacco and tobacco products) सेवन टाळण्यासाठी केंद्र शासनाने तंबाखूमुक्त शाळा धोरण (Tobacco free school policy) तयार केले आहे. या धोरणाची अंमलबजावणी महापालिका (NMC) तसेच शहरातील खासगी शाळांमध्ये होण्याच्या दृष्टीने महापालिकेच्या शिक्षण विभागाने (Education Department) सूचना जारी केल्या आहेत. त्यानुसार शाळांच्या १०० मीटर परिसरात तंबाखू व तंबाखूजन्य पदार्थांची विक्री करताना आढळल्यास दंडात्मक कारवाई केली जाणार आहे. त्याचबरोबर दर सामान्यांनी शाळांनी स्वयं मूल्यांकन करून ९० गुण मिळणाऱ्या शाळा तंबाखूमुक्त जाहीर केल्या जाणार आहे. (Action if tobacco products are found in premises of educational institutions Nashik News)

विद्यार्थ्यांना तंबाखूच्या विळख्यातून बाहेर काढून तंबाखूमुक्त वातावरण करण्यासाठी केंद्र सरकारचे आरोग्य मंत्रालयाने तंबाखूमुक्त शैक्षणिक धोरण जाहीर करताना मार्गदर्शक सूचना जाहीर केल्या. त्यात महत्त्वाचे म्हणजे शैक्षणिक संस्थेच्या शंभर याड परिसरात तंबाखूजन्य पदार्थांची विक्री करणाऱ्या दंडात्मक कारवाईची अधिकार संस्थांना दिले आहे. शाळांच्या परिसरामध्ये धूम्रपानास बंदी घालण्यात आली आहे. तंबाखूजन्य पदार्थांचे सेवनापासून दूर राहण्यासाठी जनजागृती मोहीम राबविण्याच्या सूचना देण्यात आल्या आहेत. शैक्षणिक संस्थांनी धोरणाची अंमलबजावणी करण्याच्या सूचना पालिका शिक्षण प्रशासनाधिकारी सुनीता धनगर यांनी दिल्या.