नाशिक : प्रेमभंग व नैराश्यातुन युवकाने सरकारवाडा पाेलिस ठाण्यात विषारी आैषध सेवन करीत आत्महत्येचा प्रयत्न (Attempt To Suicide) केला. याप्रकरणी तरुणावर गुन्हा दाखल करण्यात आला असून त्याच्यावर उपचार सुरु आहेत. (Alcoholic lover attempts suicide at police station Nashik Crime News)

राजेश रामसेवक भारती (२८ रा. गवळी चाळ, गंगासागर कॉलनी, गंगापूररोड) असे या युवकाचे नाव आहे. पाेलिसांच्या माहितीनुसार, या युवकाचा विवाह दाेनदा ठरूनही त्यास नकार मिळत हाेता. तसेच मद्याच्या व्यसनामुळे मुली त्याच्या समवेत लग्न करण्यास नकार देत असल्याचे त्याच्या कुटुंबियांनी स्पष्ट केले. आप्तस्वकीयांसह नातेवाईकांच्या मध्यस्थीतून विवाह ठरला जातो. मात्र राजेश वधूच्या भेटीपूर्वीच मद्याच्या नशेत मुलीशी मोबाईलवर संपर्क करीत असल्याने त्यास दोन मुलींनी नकार दिल्याचे समाेर आले आहे.

दरम्यान, राजेशने सोमवारी (ता5)दुपारच्या सुमारास सरकारवाडा पोलिस ठाणे गाठून मद्याच्या नशेत सरकारवाडा पाेलिस ठाण्याच्या ठाणे अंमलदार कक्षात उभे राहून उंदीर मारण्याचे आैषध सेवन केले. त्यास जिल्हा रुग्णालयात दाखल करण्यात आले असून त्याच्याविरोधात या सरकारवाडा पोलिसात गुन्हा दाखल करण्यात आला असून अधिक तपास सहायक निरीक्षक खैरणार करत आहेत.