Nashik News : जिल्हा परिषद प्राथमिक केंद्र शाळेत पहिलीच्या वर्गात शिकणारी अनन्या अरविंद सगभोर हिने मंथन वेलफेअर फाऊंडेशन मार्फत घेण्यात आलेल्या राज्यस्तरीय सामान्य ज्ञान परीक्षा २०२३ यात राज्यात चौथा तर नाशिक जिल्ह्यात पहिला क्रमांक मिळवला. (Ananya stands 4 th in state in state level general knowledge examination nashik news)

नंदनवन कार्यालय अहमदनगर येथे झालेल्या बक्षीस वितरण कार्यक्रमात अनन्याचा शिक्षण आयुक्त डॉ. पुरुषोत्तम भापकार, सिनेअभिनेत्री डॉ.निशिगंधा वाड यांच्या हस्ते सन्मान करण्यात आला.

घरातील शैक्षणिक वातावरणात आई - वडील दोघेही शिक्षक असल्यामुळे तिची सामान्य ज्ञानाची तयारी होण्यास मदत झाली. वर्ग शिक्षक सुधीर दिघे व संदीप चव्हाण यांनी कौशल्य पूर्ण अध्यापन करत अतिशय मेहनत घेतली. सरावासाठी अनेक सराव चाचण्या घेऊन मार्गदर्शन करण्यात आले.

हेही वाचा : संतुलित आहारातून रोखा फॅटी लिव्हरचा आजार

शाळेचे मुख्याध्यापक रवींद्र भालेराव तसेच शाळेतील इतर शिक्षक निर्मला पगार, नंदा मरकड, संदीप पावडे, शिवाजी खेमनार आणि सुनीता बोडके यांचेही मार्गदर्शन लाभले. शाळेतले सर्व शिक्षक, व्यवस्थापन समिती अध्यक्ष व सदस्य आणि पालक यांनी अनन्याचे कौतुक करत अभिनंदन केले.