नाशिक : शहरात कोरोना बाधितांचा आकडा वाढतोय, धडकी भरतेय... कोरोनाचा प्रादुर्भाव किती प्रमाणात झालाहे समजत नाहीए.. पण कळणार... नो चिंता...कन्टेन्मेंट झोनमध्ये ऍन्टिबॉडीज रॅपिड किटच्या माध्यमातून तपासणी केली जाणार आहे. त्यासाठी महापालिका 25 हजार किट खरेदी करणार आहे.
15 ते 30 मिनिटांमध्ये तत्काळ अहवाल
महापालिका आयुक्त राधाकृष्ण गमे सांगतात शहरात कोरोना रुग्णांची संख्या झपाट्याने वाढत असताना रुग्ण बरे होऊन घरी जाण्याचे प्रमाणही अधिक असल्याची समाधानकारक बाब समोर आली आहे. महापालिकेने 203 पथकांच्या माध्यमातून चाचण्यांचे प्रमाण वाढविल्याने त्याचाही परिणाम कोरोनाचे पॉझिटिव्ह रुग्ण वाढण्यात झाला आहे. कोरोनाचा शहरात किती प्रादुर्भाव आहे ही बाब समोर आली असून, त्यामुळे अधिक चाचण्या वाढविण्याचा भाग म्हणून मुंबई व पुण्याच्या धर्तीवर नाशिक महापालिकाही ऍन्टिबॉडीज रॅपिड किटच्या माध्यमातून तपासण्या करणार आहे. या चाचण्यांचे वैशिष्ट्य असे, की सध्याच्या चाचणीचा रिपोर्ट हाती येण्यास पाच ते सहा तासांचा कालावधी लागतो. ऍन्टिबॉडीज रॅपिड किटच्या माध्यमातून 15 ते 30 मिनिटांमध्ये तत्काळ अहवाल प्राप्त होणार आहे.
लक्षणे न दिसणारे येणार उजेडात
आयएमआरसीच्या दिशा निर्देशानुसार महापालिका सुरवातीला 25 हजार किट्स खरेदी करणार असून, वडाळा, फकीरवाडी, नाईकवाडीपुरा, फुलेनगर या प्रतिबंधित क्षेत्रातील नागरिकांची तपासणी केली जाणार आहे. या माध्यमातून ज्या व्यक्तीला कोरोना झाला आहे, परंतु लक्षणे दिसली नाहीत त्यांचा अहवाल प्राप्त होणार असून, यातून कोरोनाचा शहरात किती फैलाव झाला ही बाब समोर येईल. ज्यांना कोरोना झाल्याचा संशय आहे, याबाबतची माहिती समोर येईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.