Ration Card License : धान्य वितरण अधिकारी कार्यालयातर्फे नाशिक कार्यक्षेत्रातील रद्द, राजीनामा दिलेले व विविध कारणांनी अकार्यान्वित रास्तभाव दुकानांच्या ठिकाणी नवीन रास्तभाव दुकानांसाठी परवाने घेण्यासाठी इच्छुकांनी ३१ जुलैपर्यंत अर्ज सादर करण्याचे आवाहन धान्य वितरण अधिकारी गणेश जाधव यांनी केले आहे. (Application for Ration Shop License nashik)

कार्यक्षेत्रातील दुकानांची याद्या, नियम, अटी व शर्थीसह सविस्तर माहिती धान्य वितरण अधिकारी कार्यालय, जिल्हा पुरवठा कार्यालय, नाशिक येथे तसेच, https:nashik.gov.in या संकेतस्थळावर उपलब्ध आहे.

नवीन दुकानांसाठी प्राप्त अर्जांची प्राथमिक तपासणी, छाननी, जागेची तपासणी व इतर आनुषंगिक कार्यवाही १ ऑगस्ट ते ३१ ऑगस्ट या कालावधीत पूर्ण करण्यात येणार आहे. त्यानंतर १ सप्टेंबर ते ३० सप्टेंबर या दरम्यान नवीन दुकानांना मंजुरी देण्यात येणार असल्याचे धान्य वितरण अधिकारी गणेश जाधव यांनी सांगितले.

हेही वाचा : Credit Card फसवणूक....काय घ्याल काळजी?

प्रस्तावित रास्तधान्य दुकाने पुढीलप्रमाणे : सुंदरनगर मंदिराजवळ, पुजारी वाडा, रविवारी पेठ (दुकान क्रमांक ८), चव्हाटा, जुने नाशिक (दुकान क्रमांक २५), राजवाडा , देवळाली गाव, नाशिकरोड (दुकान क्र. ४४), महात्मा गांधी रोड, खोडदे निवास,

देवळाली गाव ( दुकान क्र.४६), सुभाष रोड, नाशिक रोड (दुकान क्र. ४७), देवी चौक, शिवाजी रोड, नाशिकरोड (दुकान क्र.५१), सिन्नर फाटा स्टेशनवाडी, नाशिकरोड (दुकान क्र. ५८), प्रसाद सर्कल, आकाशवाणी केंद्राजवळ, गंगापूर रोड (दुकान क्र. ७१), पांजरपोळ, पंचवटी (दुकान क्र. १२७)